Развојот од точкичка во стомакот до бебе е навистина неверојатен. Восхитуваат промените кои се случуваат кај фетусот и брзината со која се развива, а стручњаците велат дека веќе околу 14-та недела од бременоста кај бебињата во матката се развива чувство за вкус.
Но, она што е уште позабавно од тоа е фактот дека бебињата не ги сакаат сите вкусови подеднакво, туку се вистински мали сладокусци.
Бремените жени често имаат одредена желба за храна, а се што внесува мајката стигнува до плодот преку плодовата вода. Истражувањата покажале и дека ако мајката јаде многу моркови за време на бременоста, бебето ќе го сака многу повеќе од децата на мајките кои не ја консумирале оваа храна или ја јаделе во помали количини.
Научниците исто така истакнуваат дека бремените жени треба да јадат чоколадо бидејќи, освен што бебето ужива во слатките вкусови, неколку коцки од ова задоволство придонесуваат за здравјето на крвните садови на бебето, што го потврдиле и истражувањата. Чоколадото го намалува и ризикот од прееклампсија, опасна состојба која води до висок крвен притисок за време на бременоста.
Секако, ова не треба да биде изговор за прејадување со чоколадо – доволни се неколку коцки дневно и секогаш избирајте поздрави чоколади.
