Во студијата се опфатени 180 волонтери постари од 30 години, кои веќе примиле две дози од вакцината против Ковид-19. Третата ќе ја добијат 10-12 недели по втората доза
♦♦♦♦♦♦♦
Голема клиничка студија започна низ Велика Британија во која научниците ќе ја испитаат ефективноста на третата доза на вакцината против Ковид-19.
Истражувањето, предводено од Универзитетот во Саутемптон, е прво во светот што дава податоци за влијанието на третата доза на вакцината врз нивото на имунитет на пациентите.
Во студијата се опфатени 180 волонтери постари од 30 години, кои веќе примиле две дози од вакцина против Ковид-19. Тие ќе ја добијат третата доза во интервал од 10-12 недели по втората доза на вакцината. Но, со оглед на тоа дека студијата разгледува седум вакцини против Ковид-19 (Oxford-AstraZeneca, Pfizer-BioNTech, Moderna, Novavax, Valneva, Janssen и Curevac), волонтерите нема да знаат која вакцина ја примиле како трета доза, па не е исклучено да добијат различна вакцина од онаа со која претходно биле вакцинирани.
Истражувачите очекуваат примарни резултати од истражувањето веќе во септември
По примање на третата доза, волонтерите ќе бидат следени како би се утврдиле какви било несакани ефекти и да се измери имунолошкиот одговор, а мерењата ќе продолжат и во текот на следната година.
Истражувачите ги очекуваат примарните резултати од истражувањето веќе во септември оваа година, пишува Би-Би-Си.
