Кога ќе станеме родители се соочуваме со фактот на купови валкана облека кои постојано се зголемуваат. Тоа не се случува само од причина оти децата валкаат облека повеќе од возрасните, туку и поради ползење, повраќање, валкање по под и друго, туку и затоа што родителите сакаат децата да им носат секогаш свежо испрана облека, па ја перат по секое носење.
Но, треба ли облеката да се пере секој пат откако детето ќе ја облече? Што велат истражувањата?
Тие дошле до заклучок дека многу луѓе баш и не уживаат со перењето облека, како својата, така и во таа не децата. Иако нема податоци за Македонија, интересно е истражувањето спроведено од страна на Американскиот институт за чистење кое зборува 29% од родителите почнале поретко да перат, откако имаат деца. Некои се обидуваат да заштедат на сметките за вода, додека други сметаат дека едноставно облеката на децата не треба толку често да се пере. Сепак, 46% од испитаните родители рекле дека нивната машина за перење врти неколку пати во неделата, додека 23% од нив перат секој ден.
Што велат стручњаците?
Пижамите и панталоните треба да се перат по три или четири носења, а чорапите и детската долна облека задолжително да се перат по секое носење. Истото важи и за долните маички, боди, и се останато кое доаѓа во директен контакт со детската кожа, оти тој тип на облека впива маснотии и останати нечистотии.
Ако облеката е делумно валкана од лигавење, храна, повраќање, урина или друго, стручњаците советуваат флеката што побрзо да се испење или тој дел од облеката веднаш да се преслече, оти на тоа место се собираат бактерии.
