Потребно:
- 4 тиквички
- 2 домати
- 1 кромид
- 300 гр бело месо
- 150 гр конзервирана пченка
- 150 мл сос од домати
- 80 гр кашкавал
- 100 мл вода
- 1 лажичка лук во прав
- 1 лажичка слатка пиперка
- Свеж магдонос
Подготовка: Исечете го горниот и долниот дел од тиквичките, а потоа пресечете ги на половина. Издлабете ги и наредете ги во плех. Премачкајте со масло, па печете во загреана рерна на 180°C околу 25-30 минути. Белото месо сварете го, па исечкајте го на коцки. Во тавче на малку масло пропржете го ситно исечканиот кромид, па посолете, побиберете, посипете со мелено лукче, како и слатката пиперка. Промешајте, па прелијте со сос од домати и измешајте. Потоа додадете го белото месо и пченката, како и сечканите домати и измешајте. Оставете го на шпорет уште 5 минути и филот е готов. Испечените тиквички наполнете ги со добиената смеса, а потоа посипете ги со рендан кашкавал. Вратете во рерна и печете на 180°C околу 5-10 минути. Наросете со сечкан свеж магдонос. Добар апетит!
