Функцијата на половите органи се нормализира во првите месеци по породувањето, што значи дека жената автоматски може да оствари втора бременост. Но, гинеколозите советуваат да се почека уште малку за целосно закрепнување на телото за да се избегнат компликации. Во пракса тоа значи можност за крварење за време и по породувањето, развој на анемија, воспаление на вените, тромбоза на долните екстремитети и надворешните гениталии. Матката не успева да го акумулира потребниот слој на кој треба да се закачи плацентата. Поради ова, може да има недоволна поврзаност или нарушување на протокот на крв помеѓу плацентата и детето. Децата родени на овој начин често заостануваат во растот и имаат мала родилна тежина.
ПАУЗА ПО ПРИРОДНО ПОРОДУВАЊЕ
Во овој случај, лекарите советуваат да се почека најмалку една година пред следната бременост. Доколку одлучите повторно да забремените, задолжително побарајте совет од гинеколог. Тој ќе ја провери вашата здравствена состојба, ќе се осврне на текот на вашата последна бременост, ќе ги направи сите потребни тестови и ќе ви помогне да донесете нов живот на светот што е можно побезбедно, дури и ако тоа значи дека ве советува да почекате малку со нова бременост.
ПАУЗА ПО ЦАРСКИ РЕЗ
Ако жената ја завршила претходната бременост со царски рез, се препорачува интервалот помеѓу бременостите да биде две години. Невозможно е да се предвиди дали мајката овој пат ќе се породи по природен пат, но многу зависи од причината за првиот царски рез. Доколку причината била голем плод, неправилна положба на детето или тежината на плодот која не одговарала на дијаметарот на карлицата на мајката, можно е следниот пат мајката да се породи по природен пат. Во случај да се работи за болести кај кои не смее да дојде до оптоварување што го носи породувањето, тогаш најверојатно повторно нема да се избегне царски рез. Косо лоцирана карлица или фрактура на ‘рбетот ќе бара оперативно породување.
Во случај на претходна повеќплодна бременост, матката на здрава жена закрепнува исто толку брзо како и во една бременост. Сепак, лекарот веројатно ќе ви советува малку подолг временски интервал, бидејќи тоа било поголемо оптоварување за организмот.
