Прво, имајте на ум дека секоја ситуација е посебна и зависи од возраста на жената, плодноста, претходните компликации за време на бременоста или породувањето и слично. Сепак, постојат некои општи правила кога станува збор за зачнување по царски рез.
Колку долго после царски рез не смеете да забремените
Некоја општа препорака е да не се обидувате повторно да забремените помеѓу 18 и 24 месеци по царски рез, што е приближно иста препорака како по природно породување.
Сепак, ова не е цврсто втемелено правило, па многу нешто зависи од околностите на вашите претходни бремености – на пример, дали била високоризична или не, и дали планирате да се породите природно или не.
Треба да земете во предвид и како поминало вашето породување со царски рез, дали после тоа имало некакви компликации, бидејќи во тој случај вашиот лекар може да препорача да чекате подолго за целосно закрепнување на телото.
Ризици од бременост веднаш по царски рез
Постојат неколку причини зошто се препорачува да се чека одредено време по царски рез пред повторно да забремените. Истражувањата покажале дека жените кои забремениле помалку од шест месеци по царски рез имаат поголем ризик од некои компликации:
Руптура на матката – во прашање е пукнатина во ѕидот на матката, најчесто на местото на претходниот рез направен за време на породувањето со хируршки форцепс. Кај целосна руптура сите слоеви на ѕидот на матката се скинати, што може да биде опасно и за мајката и за бебето. Истражувањата покажале дека ризикот од руптура се намалува колку подолго чекате да забремените по царски рез, при што ризикот е само еден процент по 24 месеци.
Placenta accreta (врасната постелка) – ова е високоризична компликација во бременоста која се јавува кога крвните садови и другите делови на плацентата растат премногу длабоко во ѕидот на матката. Ова може да доведе до крварење и може да биде потенцијално фатално и за мајката и за бебето.
Предвремено породување – предвремено породување се смета за раѓање пред 37-та недела од бременоста, што може да доведе до разни компликации за бебето. Истражувањата покажале дека ризикот од предвремено породување е поголем ако поминале помалку од 18 месеци од претходното раѓање.
Ниска родилна тежина – дури и кога бебето е родено во термин, студиите покажале дека постои малку поголем ризик од ниска родилна тежина ако поминале помалку од 18 месеци помеѓу раѓањето и зачнувањето. Експертите сметаат дека причината е прекумерниот стрес и нарушеното ниво на хранливи материи во телото на мајката, иако постојат и други теории.
На крајот, имајте на ум дека секој е различен и дека најдобрата проценка за тоа дали вашето тело е подготвено да носи уште една бременост може да даде само вашиот лекар, по сите потребни прегледи.
