Нормалниот менструален циклус трае помеѓу 21 и 35 дена. Овулацијата се случува еднаш во текот на овој период, но можноста за зачнување постои некои шест дена. Ова се неколку важни информации за зачнувањето и бременоста.
Колку долго трае овулацијата?
Жената овулира од 24 до 48 часа во текот на својот менструлаен циклус.
Овулацијата се случува кога лутенизирачкиот хормон почнуба повеќе да се отпушта, доаѓа до пукање на Графовиот фоликул во јајчникот и се ослободува зрелата јајце клетка. Таа доаѓа до матката, каде може да биде оплодена, а останува жива во период од 24 до 48 часа.
Кога може да забременам?
Важно е да знаете дека тој период не е единствен кога можете да забремените. Сперматозоидите можат да живеат и пет дена во женскиот репродуктивен тракт, затоа и однос неколку дена пред овулација може да доведе до бременост.
Лекарите велат дека ако се обидувате да забремените, добро е да имате почести сексуални односи во периодот на тие шест дена. Имајте предвид дека шансите за забременување се најголеми на денот на овулацијата и три дена претходно.
Кога доаѓа до овулација?
- Жените овулираат отприлика 14 ден пред менструација. На пример, жена со продечен циклус од 28 дена, најпрво ќе овулира 14. ден, а плоден период ќе биде од 9. до 14. ден.
- Доколку циклусот на пример трае 30 дена, овулацијата најпрво ќе се јави 16. ден, па плоден период ќе биде од 11. до 16. ден.
- Секако дека секоја жена овулира поинаку, затоа на овие бројки не можете стопроцентно да се потпрете.
Дали може да се овулира неколку пати во циклус?
Жената овулира еднаш еднаш во текот на севкупниот месечен циклус. Сепак, некогаш се случува жената да отпушти повеќе зрели јајце клетки во периодот на овулација. Ако тие се оплодат, може да дојде до близначка бременост.
Исто така, постои можност жената и воопшто да не овулира – што најчесто се јавува при дијагноза на полицистични јајчници.
