Кога станува збор за мало дете, запекот претставува еден од најнепријатните проблеми. Често е емоционално условен кај децата на две и три години кои минуваат низ “негативна“ фаза, па така се противат и на празнењето.
Некои деца јадат премногу храна богата со масти, а сиромашна со влакна (грицки, густи сокови), а пијат малку течности. Недоволната физичка активност понекогаш ја влошува лошо воспоставената навика на празнење.многу деца на оваа возраст се премногу окупирани со игра, па не реагираат на “сигналот“ за празнење на цревата или го игнорираат. Колку подолго го игнорираат, повеќе вода од столицата се апсорбира и таа станува цврта, и така детето влегува во магичен круг – каде дефекацијата е се потешка. Односно, констипацијата се влошува.
Важно е да се создаде навика
- Родителите треба да го научат детето да ги препознае знаците кои претходат на цревното празнење. Кај него треба да се создаде навика на празнење на цревата, и тоа да го прифати како миење заби и спиење.
- Иако запекот е хронична состојба, таа е тешко да се третира, бидејќи тешкото и болно празнење не е нешто со кое детето ќе научи да живее. Постепено, со соодветна исхрана и евентуална медикаментозна интервенција, може да се постигне редовно празнење.
Дијагнозата на запек кај дете на оваа возраст се поставува:
- На основа на податоците колку често детето се празни
- Дали детето се жали или има болка при дефекацијата
- Дали ги стега забите и црвенее во лицето кога се обидува да се ослободи од столицата
- На основа на податоците за тоа од што му се состои исхраната на детето
- Дали имало некои стресни случувања во изминатиот период
- Колку често мала количина на течна или мека столица ја валка долната облека на детето
