Секој што ќе забележи знаци на дехидратација, во комбинација со потешкотии во дишењето, треба да оди во болница, велат експертите
Списокот на симптоми на коронавирус се шири. Вообичаени симптоми на коронавирус се треска, кашлица, губење на мирис и вкус. Сепак, научниците открија уште еден необичен симптом што може да укажува на инфекција со овој вирус.
Експертите велат дека треба да обрнете внимание на мирисот на урината, бидејќи силниот мирис на урината, како и жолтата боја може да бидат знак на дехидратација. А дехидрираноста, тврдат од Универзитетот во Охајо, исто така, би можело да биде предупредувачки знак на коронавирусот, пишува британски „Експрес“.
Имено, урината добива посилен мирис заради поголема концентрација во организмот кога некое лице е дехидрирано, односно нема доволно течност во организмот. Секој што ќе забележи знаци на дехидратација, во комбинација со потешкотии во дишењето, треба да оди во болница, велат експертите.
„Коронавирусот обично предизвикува симптоми слични на настинка и грип или други слични респираторни проблеми, но новиот сој на вирусот може да доведе до посериозни компликации, па дури и до смрт. Понекогаш кај пациентите, обично кај постари лица или оние со други заболувања, се јавуваат умерено тешки симптоми кои вклучуваат дехидратација“, велат научниците од Охајо.
Жед, сува уста, слабо мокрење, силно жолта боја на урина, сува кожа, главоболка и вртоглавица се можни симптоми на дехидратација. Покрај тоа, дехидрираноста, но и коронавирусот, се придружени со голем замор, толку голем што на пациентите понекогаш им е тешко да станат од кревет.
