Неодамнешните студии од Англија и други земји посочија дека возрасни лица со двата типа на дијабетес 1 и 2 имаат зголемен ризик од смрт доколку се заразат со COVID-19, особено ако имаат слаба контрола на гликозата во крвта.
Но, на почетокот на јуни, повеќе почитувани професори од целиот свет напишаа писмо до „New England Journal of Medicine“ (NEJM) во кое објаснуваат дека COVID-19 не е само ризик за луѓето со дијабетес – ТОЈ ВСУШНОСТ МОЖЕ И ДА ПРЕДИЗВИКА ДИЈАБЕТЕС!
Постојат два главни типови дијабетес. Тип 1, предизвикан од сопствениот имунолошки систем т.н. автоимуна болест, каде што има апсолутна дефициенција на инсулин поради уништување на островски клетки во панкреасот. Не знаеме што ја започнува оваа автоимуна болест, но вирусните инфекции се сугерираат како можен тригер. Дијабетес тип 2 е метаболично нарушување што се карактеризира со висока крвна гликоза во контекст на отпорност на инсулин и релативна дефициенција на инсулин.
За разлика од богатството на податоци презентирани за ризикот од смрт со познатите типови на дијабетес, обезност, висок крвен притисок и етничка припадност, има малку податоци за COVID-19 и новодијагностицирани дијабетеси. За да се справат со ова, авторите на писмото до НЕЈМ направија регистар за да ги евидентираат сите случаи на дијабетес поврзани со COVID-19
Со години знаеме дека вирусните инфекции можат да бидат поврзани со првиот пат кога пациентот ќе има симптоми на дијабетес. Вирусните инфекции може да предизвикаат уништување на „фабриките“ на клетки што произведуваат инсулин во панкреасот, поставувајќи хронична автоимуна реакција.
Забележани се случаи на акутен дијабетес кој се развиле за време на заушки и ентеровирусни инфекции. Постојат значајни докази поврзани со еден посебен ентеровирус, Coxsackie-B1, со класичен автоимун дијабетес тип 1.
Има нешто во врска со коронавирусите
Што е со COVID-19? Постои извештај за случај на еден млад човек од Кина, кој претходно имал добра здравствена состојба, презентиран со новонастанат, тежок дијабетес, кетоацидоза, откако се заразил со COVID-19.
Пред пандемијата на COVID-19, источна Азија доживеа епидемија на САРС (2002-2004), што исто така беше предизвикана од коронавирус. Имаше документирани случаи на акутен почеток на дијабетес кај лица со САРС пневмонија, што не беше забележано кај оние со пневмонија од други причини. Во повеќето случаи, дијабетесот се решил после три години, но перзистирал кај 10% од пациентите.
Коронавирусите одговорни за тековните и претходните епидемии имаат сличен начин на влегување во клетките. Но дали COVID-19 предизвикува дијабетес? Одговорот е, не знаеме, а писмото до NEJM објаснува дека голем дел од ова сè уште се претпоставки. COVID-19 може да предизвика дијабетес тип 1 или тип 2. Ова дури може да биде нова форма на дијабетес.
За разлика од богатството на податоци презентирани за ризикот од смрт со познатите типови на дијабетес, обезност, висок крвен притисок и етничка припадност, има малку податоци за COVID-19 и новодијагностицирани дијабетеси. За да се справат со ова, авторите на писмото до NEJM направија регистар за да ги евидентираат сите случаи на дијабетес поврзани со COVID-19.
Регистарот е од суштинско значење за да се соберат доволно податоци за да се започне разоткривање на мистеријата за каква било директна врска помеѓу COVID-19 и дијабетесот. И, ако се најде таква врска, ќе биде подеднакво важно да се утврди како COVID-19 предизвикува штета за најдобро да се идентификуваат третманите, со оглед на тоа што COVID-19 може да биде со нас подолго време. (The Conversation)
