Иако медот е многу здрава намирница, за малите деца може да биде фатална, предупредуваат педијатрите. Како што објаснува д-р Семјуел, кој објави видео на оваа тема на неговиот социјален налог под името @skingapore, давањето мед на деца под една година може да доведе до таканаречен доенечки ботулизам.
Станува збор за потенцијално смртоносна болест која е предизвикана од токсините на бактеријата Clostridium botulinum. Изворот на инфекција кај доенчињата може да биде токму мед загаден со спори на оваа опасна бактерија.
Видеото кое за кратко време стана вирално и има над осум милиони прегледи, докторот го објави со цел да ги предупреди и апелира сите родители никогаш да не им даваат мед на малите деца, без разлика на советите што ги даваат луѓето од нивната околина.
