Синдромот на сплескана глава (плагиоцефалија) е честа појава кај малите бебиња и причина за загриженост кај многу родители. Најчесто се случува поради фонтанелите, кои се спојуваат во коските на черепот до втората година од животот на детето, па главата е сè уште мека.
Фонтанелите се сосема нормални и неопходни за да се формира здрав детски череп и да се овозможи развој и раст на мозокот. Тие всушност овозможуваат просторот потребен за мозокот да расте и да зафаќа одреден волумен во черепот.
Бидејќи бебињата главно лежат во првите месеци и нивните мускули на вратот сè уште не се доволно развиени, тие имаат тенденција да ја држат главата во иста положба, што предизвикува синдром на сплескана или народски залежана глава.
Д-р Џен Русо, специјалист за киропрактика за новороденчиња, објаснува што препорачуваат експертите за да се спречи плагиоцефалија.
Според неа, до синдром на сплескана глава доаѓа поради зголемен притисок на една точка на главата поради непријатна положба во матката, породилна траума или лежење на грб.
Еве како да препознаете дека се работи за синдром на сплескана глава или плагиоцефалија.
- Задниот дел од главата на бебето е порамен од едната страна.
- Бебето обично има помалку коса на тој дел од главата.
- Кога гледате надолу во главата на бебето, увото на сплесканата страна може да изгледа испаканто нанапред.
“Бебињата имаат слаби мускули на вратот, поради што им е тешко да ја вртат главата, па ја држат во иста положба додека лежат и тоа е една од причините за плагиоцефалија“, објаснува д-р Русо.
Нејзин совет до родителите е да го ставаат бебето на стомак почесто, неколку пати по неколку минути секој ден.
“На овој начин бебињата ги зајакнуваат мускулите на вратот и ги развиваат моторните вештини, а нема ниту да лежат постојано во иста положба“, додава таа, нагласувајќи дека треба да се направи и консултација со матичниот педијатар.
