ЛЕКАР СОВЕТУВА: Што треба да направите по убод од стршлен

Високите температури придонесуваат за наезда на стршлени, а во гнездо може да има и до 700. Смртен исход од убод се реткост, велат експертите.

“Оние кои доживеале алергиски реакции или поблаги реакции мора да бидат внимателни, особено кога излегуваат во природа. Тие мора да внимаваат да носат заштитна облека, а секако за некои кои веќе имале анафилактички реакции се препорачува да носат адреналински инјекции кога ќе излезат во природа“, објаснува Младен Хрон, лекар во Институтот за итна медицина на Загреб.

Доколку при убодот се појави нагло, ненадејно црвенило, отежнато дишење или ако дојде до пад на крвниот притисок, тогаш, вели д-р Хрон, секоја миниута е важна и веднаш треба да се побара итна лекарска помош.