По абортус, голем број жени се прашуваат дали ќе можат да останат повторно бремени, по извесно време. Дали тоа ќе им ја намали можноста за зачнување и ќе создаде ризик за бременост подоцна?
Д-р Шамса Амерс, гинеколог воо САД, со над 20 годишно искуство во работа со трудници и родилки, одговара на најважните прашања поврзани со оваат тема.
Може ли да забременам после абортус?
Сосема е разбирливо дека жените кои абортирале во минатото стравуваат дека тоа ќе влијае на подоцнежното зачнување и бременоста. Докторката истакнува дека абортусот не мора задолжително да ја наруши можноста за зачнување. „Понекогаш повеќе оперативни процедури во матката можат да остават лузна, што може да има влијание врз зачнувањето“, објаснува таа. Оваа лузна се нарекува Ашерманов синдром, а според податоците станува збор за многу ретка појава. „Ако сте имале една хируршка постапка, нема да има ефект, но повеќе такви, навистина можат да влијаат на зачнувањето“, наведува гинекологот.
Дали е отежнато зачнувањето по абортусот?
Експертите посочуваат дека абортусот не го отежнува забременувањето. Всушност, тие го посочуваат токму спротивното – веќе сте ја докажале својата плодност. Сега знаете дека можете да забремените, па нема причина да се плашите дека овој процес ќе биде потежок од вообичаеното. Се разбира, секој е различен и многу фактори влијаат на тоа колку брзо ќе забремените, но абортусот не е еден од нив.
Како абортусот влијае на следната бременост?
Абортусот не влијае на здравјето на бременоста. Многу жени стравуваат дека ќе имаат спонтан абортус затоа што некогаш абортирале во животот. Сепак, тоа не е поврзано. Не постои ризик од спонтан абортус по абортусот, вели д-р Амерс.
Знаците на бременост нема да бидат ништо поразлични, без оглед на фактот дека сте абортирале.
Колку време по абортусот може да забременам повторно?
По секое прекинување на бременоста, било да е спонтан абортус или абортус, д-р Амерси нагласува дека треба да почекате еден циклус за да се обидете повторно. Таа исто така вели дека абортусот е тешка одлука што се носи од многу причини и посочува дека е многу важно да се опоравиме физички, а особено психички и емоционално.
„Имајте разбирање кон себе, не осудувајте се себеси, најдете поддршка и доколку е потребно – побарајте помош од психолог“, нагласува таа.
