Бременоста е природна состојба при која доаѓа до промена на телесната тежина, и од таа причина ќе се обидеме да ги објасниме сите дилеми и нејаснотии, кога е во прашање зголемената тежина, породувањето и доењето.
Дали е дозволено жената да држи диета по породувањето, доколку дои?
Во текот на доењето може да се спроведе умерена диета (500 калории помалку) и вежби во траење од 45 минути – 4 пати неделно,во наредните 10 недели.
Колку килограми можат да се намалат ако се спроведе оваа диета?
Доилки кој се на ваков режим, може да очекуваат дека за 10 недели ќе намалат од 2 до 5 килограми, а притоа да не му наштетат на бебето.
Кога може да се почне со диета по породувањето?
Ако жената сака да ја корегира тежината веднаш по породувањето, тогаш треба да почека еден месец, и тогап може да го примени ваквиот режим и да продолжи да дои. Во текот на доењето, мора внимателно и пред се умерено да се пристапи кон диетата.
Дали може да се примени некоја популарна диета за која постојано слушаме?
Исфрлањето на одредени групи на намирници, ригорозна диета или следење на “модерни диети“ не е дозволено.
Колкав внес на калории се препорачува за време на доењето?
Повеќето популарни диети имаат проектирано 1.200 калории, кои треба под итно да се заборават. Во текот на доењето мора да се внесуваат 1.800 – 2.000 калории, и тука нема отстапка – ако мајката сака доволна количина млеко за бебето. Намалувањето на тежината повеќе од два до два и пол килограми месечно може да го загрози здравјето на вашето бебе.
