Општи се препораките дека пијалак за бебето се бира во склад со неговата здравствена ситуација или превентивно. Така, некои природни сокови имаат предност над другите во случај на анемија, слаб апетит итн. Поради тоа, лекарите го советуваат следново:
Против запек
Бебе кое го мачи запек би требало да пие бистар сок од слива или праска, а кога малку ќе порасне – густ сок од ова овошје.
Против анемија
Речиси сите домапни сокови се многу корисни против анемија, а особено храната богата со железо и витамин Ц. Тука, пред сите, спаѓаат сок од морков, домат и зелка, а се препорачува тие да се разблажат со малку вода.
За подобар апетит
Децата со слаб апетит, треба да консумираат покисели сокови, како што е сок од боровница.
Против настинка
Доколку настинатото бебе одбива храна и повеќе му годат напитоци, понудете му ги омилените сокови и чаеви. Се препорачува лимонада, сок од портокал или грејпфрут.
За активно бебе
На децата кои се физички активни им е потребен поголем внес на натриум, поради што стручњаците советуваат мајките во исхраната на бебето да воведат сокови од праска, кајсија и слива.
