Ако сте поминале низ јасли фазата, знаете дека одвикнувањето од пелени е помалку застрашувачко, но неопходно искуство. Постојат мајки кои нагласуваат колку е едноставно одвикнувањето од пелени, а постојат и такви кои се ежат и од самата помисла на оваа тема. Една од нив е и мајката Тринити Квин, чиј тригодишен син се уште носи пелени.
“Иако сопругот неодамна ми рече дека нема да биде пријатно да му се менуваат пелени на синот во четврто одделение и свесна сум за тоа, но ако наоѓате во слична ситуација како и јас, можеби треба да земете предвид дека веројатно се уште не е време за одвикнување од пелени“, пишува оваа мајка.
Таа има 5 причини или како што самата вели “оправдувања“, зошто нејзиниот син се уште носи пелени:
- Сите ми велат дека е време за одвикнување од пелени
Мора да знаете дека јас разбирам дека моето тригодишно дете треба да научи да користи тоалет. И сите околу мене го знаат тоа. А сепак, секогаш кога го пресоблекува синот во присуство на пошироко семејство или познаници – ми го поставуваат истото досадно прашање: “И, дали сте при крај со одвикнувањето од пелени?“ Секогаш стискам заби, смислувам духовит коментар и брзо ја менувам темата. Да, сите знаеме дека тоа е неопходен дел од животот. И не, мојот син се уште не е одвикнат од пелени. И да, сигурна сум дека веќе ќе го одвикнев од пелени да ги немаше тие постојани исти прашања. Тие едноставно не помагаат.
- Не знам како да го одвикнам од пелени
Можеби звучи како глупирање, но најискрено не знам како да одвикнам дете од пелени. Можеби знам како треба да функционира, но со тригодишно дете тоа не е толку едноставно. Никогаш не е едноставно, а во мојот случај – незнаењето е благослов.
- Поедноставно е да се смени пелена, отколку да се одвикне дете од пелени
Верувајте ми, станав нинџа колку сум брза во менувањето пелени, облека и постелнина, дури и во три часот наутро. Кога ќе ја споредам задачата да менувам пелени со битката што би ја водела со итро тригодишно дете кое не сака да се одвикне од пелени – изборот е многу едноставен.
- Мојот син не е подготвен да се одвикне од пелени
Не живеам во заблуда само затоа што најискрено сум убедена дека мојот син не е спремен да се одвикне од пелени. Секако, знам дека има деца кои немаат пелени на една и пол година, има и мајки кои од почеток практикуваат без пелени, но јас сум мајка на мојот син. Знам каков е и кога ќе биде подготвен.
- Јас не сум подготвена на одвикнува од пелени
Една од работите што сум ги забележала кога луѓето ме испрашуваат е дека никој не ме прашува дали и јас сум подготвена на одвикнување од пелени. Со преполн распоред и секојдневни обврски, одвикнувањето од пелени во овој момент би било многу повеќе проблем, отколку што тоа навистина би вредело.
