Крвната група влијае на целокупното здравје, секоја од нив си има свои карактеристики и слабости, но една е најотпорна на болести.
Крвната група 0 се смета за најдолговечна. Имено, докажано е дека кај луѓето со крвна група 0 постои помал ризик да заболат од кардиоваскуларни болести како што се мозочен и срцев удар, како и дека имаат помала веројатност да заболат од одредени видови на рак, како што се ракот на панкреас и желудник.
Отпорноста на најопасните болести значи и поголема шанса за долг живот
Една од досега откриените причини зошто крвната група 0 е најздрава е тоа што крвта од оваа група содржи помалку молекули кои можат да предизвикаат згрутчување на крвта, а срцевите и мозочни удари се предизвикани од тромби.
Отпорноста на најопасните болести значи и поголема шанса за долг живот.
„Изгледа интуитивно очигледно дека избегнувањето на болеста е дел од стратегијата за долг живот. Но, постои силна догма дека кај стогодишниците целата корист доаѓа од гените против стареење“, изјави за списанието Тајм Стјуарт Ким, професор на Катедрата за биологија и генетика на Универзитетот Стенфорд.
Во потрага по тајната на долговечноста, тие ги испитале гените на 800 стогодишници и 5.400 деведесетгодишници и откриле дека варијациите во четири гени се многу важни за брзината на стареењето: CDKN2B, кој игра важна улога во клеточната делба, ABO , кој се однесува на типот на крвната група и APOE, кој влијае на склоноста на организмот да се разболи од Алцхајмерова болест и SH2B3, кој го продолжува животот на луѓето.
Како што објаснија, утврдиле дека одредени варијации на гените почесто се јавуваат кај луѓе кои доживуваат стотка, а кога станува збор за крвната група – таа била нулта.
