Мајчиното млеко е навистина чудесно и со причина го носи името течно злато. Не само што содржи клетки, хормони и антитела кои помагаат во заштита на детето од болести, туку мајчиното млеко може и во целост да се промени, на основа на потребите на детето. Тоа значи дека и бојата на мајчиното млеко не е секогаш иста. Кога женското тело се прилагодува на потребите на своето дете, млекото може да стане потемно или посветло – а, една мајка останала шокирана кога нејзиното течно злато станало розево.
Според Центрите за контрола на болести, плунката на бебето пренесува хемикалии на телото на својата мајка и реагира создавајќи мајчино млеко во склад со своите потреби. Тоа е причина зошто мајчиното млеко може да го поприми оној богат жолт тон кога бебето е болно. Но, овој природен феномен не е причина да млекото на мајката се обои во розева боја.
Жена од Австралија која сакала да остане анонимна, ја хранле својата 16 месечна ќерка, која во еден момент почнала поинаку да се однесува. Барала повеќе и повеќе, и тогаш мајката сфатила дека нејзиното млеко е со розева боја.
Во прв момент се испаничила, но тогаш и текнало дека јадела многу цвекло. По обилна салата, испила и сок од темно овошје, а потоа и за ужина јадела цвкело. Но, никогаш не очекувала дека она што го јаде може да има драстично влијание на нејзиното млеко.
Според експертите, исхраната на мајката може да ја промени бојата на млекото од бело во сино, зелено, розево, жолто или дури и црно. Сладок компир, тиква и морков се честите виновници за промена на мајчиното млеко.
“Бојата на мајчиното млеко може да варира. Колострумот општо е жолт до жолто-портокалов. Преминот од колострум на зрело млеко може да потрае и до две недели. За тоа време, бојата постепено се менува во сино-бела боја. Но, бојата на зрело млеко може да се промени поради исхраната или лекови ако пие мајката. Многу мајки и не се свесни каква боја им е млекото, се додека не се измозлат“, објаснуваат стручњаците.
