Измолзување мајчино млеко – како, кога и колку?

На најчестите прашања во врска со измолзување на мајчино млеко, одговара медицинска сестра и бабица, Шари Крисо – консултант во одборот за Доење и лактација во Њу Џерси.

На почетокот за новите мајки, доењето може да биде многу стресно. Како да намести, кога и колку долго трае подојот, дали и кога да го дохранува бебето. Покрај сите овие прашања, она што дополнително може да ги збуни мајките е измолзувањето.

На најчестите прашања во врска со измолзување на мајчино млеко, одговара медицинска сестра и бабица, Шари Крисо – консултант во одборот за Доење и лактација во Њу Џерси.

Кога да се почне и колку млеко треба да се измолзува?

Со измолзување, треба да се почне уште од првата недела по раѓањето, и тоа секојдневно, на почетокот во мали колчини (од 30 до 60 милилитри). Ако сакате, млекото кое сте го измолзеле можете да му го понудите на бебето во шишенце, но препорака е доењето да се заврши на дојка. Ако не сакате веднаш да му го понудите, млекото чувајте го во стерилен сад или кеса. На почетокот во градите ќе имате доволна количина на млеко и за чување и за бебето. По шест недели, може да почнете да се измолзувате и поголема количина, и тоа најдобро наутро, кога е мајката е одморна, а количината млеко во дојките е поголема во текот на денот.

Колку долго да молзам?

Молзењето трае колку и доењето, но со редовна практика и со добро молење, може да ги одмолзете вашите дојки за 10-15 минути. Кога сте на работа, обидете се да се молзете толку често колку што вашето бебе вообичаено цицало или по околу 15 минути на неколку часа. Може да се одмозлувате и откако бебето ќе се нацица, што ќе ви помогне да создавате повеќе млеко.

Ќе има ли доволно млеко?

Да, млеко ќе има доволно. Вашето бебе сигурно ќе сака повеќе млеко додека расте. Најдобар начин да го зголемите количеството на вашето млеко е да доите или да одмолзувате што почесто.

Како и каде да го чувам?

Одмолзеното млеко може да се чува во пластични или стаклени шишенца или во стерилни чашки. Чувајте го млекото во количество колку што пие вашето бебе за да не фрлате. На пример, ако вашето бебе пие 100 милилитри, пакувајте го млекото во чашките по толку. Одмолзеното млеко треба да се чува на ладно во фрижидер, а може и да се замрзне. Запишете ја датата кога е одмолзено млекото врз чашката. Замрзнувањето уништува дел од антителата во млекото затоа не правете го тоа освен ако не морате. Но, сепак, замрзнатото млеко е поздраво од млечната формула.

Колку долго трае?

На собна температура, млекото може да стои од четири до осум часа. Во фрижидер три до осум дена, а во замрзнувач до три месеци. Одмолзеното млеко може да варира во бојата. Може да биде жолтеникаво, кафеникаво или синкаво. И за мајчиното млеко е нормално да се одвојат мастите и да се кренат нагоре. Измешајте го добро шишето и содржината на млекото ќе се изедначи.

Како се одмрзнува?

Ставете ја чашката со смрзнатото одмолзено млеко во сад со топла вода или ставете ја во фрижидер еден ден претходно. Не користете жешка вода за да го одмрзнете. Никогаш не ставајте го во микробранова печка. Млекото може да се претопли и да го изгори јазичето на бебето. Загревањето во микробранова печка може да ги оштети важните протеини во мајчиното млеко. Одмрзнатото млеко може да остане во фрижидер 24 часа, но не треба повторно да се замрзнува.

Како се користи пумпа?

Ако користите електрична пумпа, ставете го делот одреден за врз дојката, вклучете ја машината и оставете ја да работи. Таа ќе извлекува млеко од вашата дојка и ќе го собира во шишенце. Мануелните пумпи, исто така, користат посебен дел за дојката, но сега вие го влечете механизмот и при тоа млекото се извлекува од дојката и се собира во шишенцето. Со електрична пумпа обично се потребни 15 минути за да се одмолзат двете дојки, додека со мануелна до 45 минути. Добрите пумпи го имитираат цицањето на бебето и не предизвикуваат болка. По молзењето добро измијте ја пумпата и стерилизирајте ја.

Како да се молзам рачно?

Ако треба од време на време да одмолзете по малку млеко за да го олесните надоаѓањето на млекото или за поретко хранење со шишенце, тогаш молзете се рачно. За тоа треба малку повеќе практика. Ако имате вовлечени брадавици или ранички, можеби ќе треба прво малку да одмолзете, па да продолжите со доење. Измијте ги рацете пред да почнете. Потоа ставете ги палецот и прстите околу ареолата и стиснете. Притиснете ги прстите за да го истиснете млекото.