Мајка на две деца упати важно предупредување до родителите во пресрет на сезоната на грип, откако нејзината деветгодишна ќерка поради неочекувана компликација завршила во болница.
Нејзината ќерка Тори на почетокот на годината добила грип со класични симптоми – висока температура, треска и замор. Мајката Ешли Гојтер, како и секој родител, била загрижена, но за Newsweek изјавила дека „на почетокот ништо не изгледало алармантно“. Ја следела нејзината состојба, која изгледало дека се подобрува кога конечно се намалила температурата.
Неочекуван пресврт
„Почна како типичен грип и Тори имаше многу висока температура и беше исклучително слаба“, раскажала 35-годишната мајка од Мичиген. „Кога температурата спласна по неколку дена, помислив дека се опоравува. Тогаш одненадеж почна да се жали на интензивна болка во двете нозе.“
Според извештајот на NIH, болеста е тешко да се дијагностицира, затоа што многу лекари не се доволно запознаени со неа. Најчесто ги погодува децата, почесто момчињата, а симптомите обично траат до една недела
Девојчето објаснило дека болката прво ја почувствувала во бутовите, а потоа се проширила кон листовите. Бидејќи Тори сè уште се опоравувала, мајката прво помислила дека се работи за вообичаени болки во мускулите по болест. Но болката станувала сè посилна и Ешли сфатила дека нешто не е во ред. „Ми рече дека болката е длабоко во мускулите и дека толку ја боли што не може да стои“, продолжила Гојтер.
Борба за дијагноза
Ешли веднаш ја однела ќерка си на итна помош и инсистирала на прегледи, но вели дека лекарите не изгледале загрижени. Ги испратиле дома со совет да се одмора, да пие течности и да зема лекови против болка. Дури ѝ рекле дека може да се врати на училиште, иако девојчето тврдоглаво повторувало дека не може.
Слушајте ги вашата деца кога велат дека нешто ги боли, дури и ако звучи необично. Верувајте му на вашиот инстинкт – вие го познавате вашето дете најдобро
Следното утро ситуацијата драматично се влошила. „Проба да стане за да се подготви за на училиште, направи еден чекор и падна директно на подот, бидејќи болката стануваше неподнослива штом ставеше притисок на стапалата. Веднаш ја однесов во автомобилот и ја одвезов на итна помош. Тоа беше моментот кога знаев дека ова е нешто сериозно“, се присетила мајката.
Бениген акутен миозитис
Овојпат лекарите направиле крвни анализи и анализа на урина. Наодите ја откриле дијагнозата – бениген акутен миозитис кај деца. Станува збор за ретка болест која најчесто се јавува како последица на вирусна инфекција на горните дишни патишта, како што е грипот, наведува Националниот институт за здравје (NIH). Главен симптом е ненадејна болка во листовите, предизвикана од воспаление на мускулите.
Според извештајот на NIH, болеста е тешко да се дијагностицира, затоа што многу лекари не се доволно запознаени со неа. Најчесто ги погодува децата, почесто момчињата, а симптомите обично траат до една недела.
„Ова целосно ме изненади. Никогаш претходно не сум слушнала за ваква компликација од грип. Беше застрашувачки и многу неочекувано“, признала Ешли. Нејзината ќерка била задржана во болница каде примала инфузија и лекови против болки. Закрепнувањето траело – било потребно околу една недела по излегувањето од болница за Тори повторно нормално да прооди. Денес, за среќа, е целосно оздравена.
Предупредување до родителите
За да ги предупреди другите родители на можните компликации од грип, Ешли го споделила целото искуство на својот TikTok-профил. Видеото од нејзината ќерка во болница станало вирално, собирајќи стотици илјади прегледи.
„Слушајте ги вашата деца кога велат дека нешто ги боли, дури и ако звучи необично. Верувајте му на вашиот инстинкт – вие го познавате вашето дете најдобро“, порачува Гојтер. „Само сум благодарна што сега е добро. Ја споделив нашата приказна затоа што знам дека многу родители никогаш не чуле за вирусен миозитис, и се надевам дека ова ќе му помогне некому да го препознае порано“, изјавила мајката.
