Мајка, скршена од болка предупреди други родители чии деца следат училишни часови од дома, декогаш да бидат внимателни и будно да ги следат, откако нејзиниот четиригодишен син го изгуби животот по вдишување на најобична шпенадла (игла со топчест или пластичен врв).
Ајла Рутерфорд (29) минатиот месец се туширала кога слушнала вриштење на останатите членови на семејството. Истрчала да го најде својот сопруг Џош (29), кој веќе го оживувал нивниот син Аксел. Таа немала идеја што му се случило. И покрај сите напори, момчето изгубил свест и почнал да посинува и итно било однесено во болница.
Лекарите утврдиле дека детето не се гушело, туку вдишало шпенадла, која му го пробила левиот бел дров, поради што не можело да диши. По една недела на интензивна нега и четири тестови кои покажале дека настапила мозочна смрт, момчето трагично починало на рацете на своите родители.
Родителите од градот Грахам, во американската сојузна држава Вашингтон, сега ги предупредуваат останатите родители да ги фрлат или да ги сокријат шпнедалите што ги имаат во своите домови за да спречат нивните деца да ја доживеаат истата судбина.
“Сите ги користат и потребно е детето само да ги пронајде, стави во уста, да вдиши и да ги дупне белите дробови. Ако имате вакви игли или притискачи за табла (шпендали) дома, исфрлете ги или ставете ги на место до кое вашето дете нема да може да дојде. Не е вредно за детскиот живот или болка. Не сакам никој да мора да поминува низ она кое ние моравме“, апелира младата мајка.
Кога момчето било однесено во болница, лекарите со часови се обидувале да пронајдат што тоа го блокира грлото кај четригодишното момче. Снимката конечно открила дека кај момчето иглата е забиена “помеѓу ребрата, откако му го пробила левото белодробно крило“.
