„Добрата вест е што вашиот син нема леукемија“, била реченицата по која Лаура Донован здивнала. Педијатарот на нејзиниот син Џони и се јавил и и ја соопштил важната вест. Имено, докторот бил загрижен поради бледиот тен на момчето и го испратил да направи тест на крвта. Резултатите покажале сериозен недостаток на железо.
„Неговото ниво на хемоглобин беше помеѓу 4,5 и 5,6, а нормалниот опсег за двегодишно дете е од 10,9 до 15. Неговата анемија беше толку тешка што тој разви и шум на срцето“, напиша Донован, која ја објави својата приказна на „Инсајдер“.
Докторот и рекол дека се сомнева дека за состојбата на момчето е виновна леукемија. За среќа, проблемот бил во кравјото млеко.
Доенчињата на возраст од 0 до 12 месеци не треба да консумираат кравјо млеко, туку треба да пијат исклучиво мајчино млеко или формула за новороденчиња. Можете да му понудите полномасно кравјо млеко на вашето дете после првата година, според Американската академија за педијатрија. На децата на возраст од 1 до 2 години им е потребна исхрана со повеќе масти за правилен развој на мозокот, поради што се препорачува полномасно млеко
Многу луѓе не знаат дека премногу млеко може да биде лошо
„Џони веднаш ја доби првата трансфузија на железо, а втората и последна трансфузија ја доби следната недела. Тој исто така почна да зема додатоци на железо секој втор ден. Многу луѓе не го знаат ова, но премногу млеко може да биде лоша работа. Џони е роден во првата година од пандемијата, па бевме под голем стрес. Тој почна да пие кравјо млеко на една година и никогаш не бараше ништо друго“, се сеќава неговата мајка.
Детето пиело околу еден литар кравјо млеко секој ден, што е многу повеќе од препорачаните 600 милилитри за неговата возраст.
„Не знаев дека калциумот може да ја потисне апсорпцијата на железо. Хематологот на Џони рече дека повеќето родители не сфаќаат дека премногу млеко може да биде проблем“, вели Донован, која се сомневала дека нејзиниот син има аутизам бидејќи секогаш бил лошо расположен и никогаш не изгледал доволно одморен. Момчето се опоравило од шумот на срце и анемијата по месец и половина третман.
„Сега има волја и енергија да јаде, се насмевнува на сите што ќе ги види и штом се разбуди, разговара со своите плишани животни – што е вистинска спротивност од времето кога ги започнувал и завршувал своите денови во солзи. Првпат во неговиот краток живот чувствувам како да го запознавам вистинскиот Џони“, заклучила таа.
Колку чаши млеко треба да пијат децата дневно?
Млекото и другите млечни производи се важен извор на протеини и калциум, хранливи материи важни за нормален раст и развој на децата. Адолесцентите на возраст од 9 до 18 години често не внесуваат доволно калциум. Количеството на млеко кое детето треба да го консумира секој ден зависи од неговата возраст.
Сепак, доенчињата на возраст од 0 до 12 месеци не треба да консумираат кравјо млеко, туку треба да пијат исклучиво мајчино млеко или формула за новороденчиња. Можете да му понудите полномасно кравјо млеко на вашето дете после првата година, според Американската академија за педијатрија. На децата на возраст од 1 до 2 години им е потребна исхрана со повеќе масти за правилен развој на мозокот, поради што се препорачува полномасно млеко. На оваа возраст, Американската академија за педијатрија препорачува ограничување на кравјото млеко на 4 чаши дневно. „Kids Health“ ги охрабрува децата на возраст од 1 до 2 години да консумираат 2 чаши полномасно млеко секој ден.
