Минијатурните чоколадни јајца не се препорачуваат за деца под 4 години, но многумина го занемаруваат тоа. Затоа една мајка предупреди преку социјалните мрежи дека може да предизвикаат задушување.
„Многу родители сега се свесни за опасноста од грозјето и го преполовуваат, но чоколадните десерти не ги гледаат како опасност. Но, тие се опасност и не треба да им се даваат на деца помлади од 4 години. Се ежам секој пат кога ќе видат дека децата ги јадат. Тврди се и со совршен облик да се заглават во детското грло“, напиша таа уште во 2017 година на нејзината страница Nanny Valentine – Child Behavior Coach.
„За Велигден често им ги подаруваат на моите деца, но жал ми е, мама мора да ги изеде“, додаде таа и истакна дека на речиси сите пакувања минијатурни чоколадни јајца е испишана минималната возраст.
Таа ги предупредува родителите да ги преполоват јајцата пред да му ги дадат на детето за да го намалат ризикот да се заглават во грлото. Ова предупредувањето доаѓа во пресрет на Велигден кога чоколадните јајца најчесто им се подаруваат на децата.
Голем број на други родители го споделија истото предупредување на социјалните мрежи овој Велигден.
First Aid For Life ја сподели емотивната приказна на една мајка чија ќерка се задушила со минијатурни чоколадни јајца. Анонимната ужалена мајка напишала: „Сакам да ги предупредам сите за уште една смртоносна опасност од задушување, онаа што трагично го однесе моето скапоцено девојче Софи. Таа се задуши со мало јајце кое не успеа да го исфрли. Ја гледав како умира, залудно се обидував да ја спасам“.
