Бебе родено предвреме, тешко само 250 грама, за кое се верува дека е едно од најмалите во светот што преживеало предвремено раѓање, е отпуштено по 177-дневен престој во единицата за неонатална интензивна нега (NICU) во една болница во ОАЕ.
Бебето Латифа е родено на 24 јуни 2020 година во NMC Royal Hospital, Абу Даби. Кога дошло на свет по 23 недели и еден ден од бременоста (во вториот триместар) неговата тежина била иста како и едно големо јаболко!
Нејзините родители, Фатема Омар и Ахмед Хусеин Салеем, бизнисмен, кои го загубиле првото дете поради предвремено породување, стравувале од најлошото. Лекарите им рекле дека нивното бебе има само неколку часа живот. Бебето веднаш било пренесено на NICU. Сепак, новороденчето се борело напорно да (пре)живее и било отпуштено на 17 декември 2020 година, со тежина од здрави 3,825 кг, исполнувајќи ги молитвите на нејзините родители, збунувајќи ги нејзините негуватели и пркосејќи им на сите скептици.
Светски рекорд
Според Регистарот на најмали бебиња, воден од Универзитетот во Ајова, САД, се смета дека уште еден мал ангел роден со тежина од 245 грама е најмалото преживеано предвреме родено бебе во светот. Родено е во болница во Сан Диего во 2018 година во САД. Според податоците на Американскиот центар за контрола на болести, повеќе од половина од сите бебиња родени во 23 недела не преживуваат.
Лекарите на Латифа веруват дека постојаното присуство на родителите имало огромна улога во закрепнувањето на бебето. Тие биле интегрален дел од тимот за грижа
Бебето Латифа била толку мала што можела „да се смести во дланките на нејзиниот тим за нега“, рече д-р Риту Намбиар, специјалист гинеколог во болницата, кој помогнал да се породи бебето преку спонтано предвремено породување.
Чудо од бебе
Опишувајќи ја битката што ја започнале нејзините негуватели за спасување на бебето Латифа, д-р Намбиар рече: „Таа е чудо, нема сомнеж во тоа. По породувањето, тим за поддршка од болницата, предводен од консултантот и главниот неонатолог д-р Вилсон Лопез, работеше на тоа да ја стабилизира Латифа пред таа да биде пренесена на Одделот за неонатална интензивна нега“.
Тим на експерти продолжил да се грижи за новороденчето, деноноќно, за да помогнат да стане посилно за време на петмесечниот престој на NICU.
Според Регистарот на најмали бебиња, воден од Универзитетот во Ајова, САД, се смета дека уште еден мал ангел роден со тежина од 245 грама е најмалото преживеано предвреме родено бебе во светот. Родено е во болница во Сан Диего во 2018 година во САД
Зошто случајот на бебето Латифа е уникатен?
За време на раѓањето, Латифа имала должина од само 29 см со родилна тежина од 250 грама. Просечната должина на бебе родено во термин е околу 50 см, додека нормалниот опсег е помеѓу 45,7 см – 60 см и просечната родилна тежина е 3,5 кг, иако може да се движи помеѓу 2,5 кг до 4,5 кг. Покрај тоа, таа се соочила со низа медицински предизвици, далеку над она што го прават повеќето бебиња кои ќе се родат толку рано.
„За разлика од најмалото светско бебе (родено во САД во 2018 година), кое преживеа бидејќи немаше големи опасни по живот компликации, Латифа, иако тежеше само 5 грама повеќе, имаше низа компликации“, рече д-р Лопез.
Д-р Лопез продолжи: „Бебето имаше респираторен дистрес, сепса, анемија, хипотензија, абнормална коагулација, хипернатремија, хипергликемија, хипогликемија, ренална инсуфициенција, ретинопатија, бронхопулмонална дисплазија, гастроезофагеален хроничен рефлукс, проблеми со слухот и многу други“.
Соодветно на тоа, меѓу лекарите биле вклучени педијатриски кардиолог, детски офталмолог, детски невролог, детски хематолог, специјалист по оториноларингологија и специјалист за физиотерапија.
Среќните родители
„Тоа беше најстрашниот ден во мојот живот“, рече Фатема, мајката на Латифа, раскажувајќи го денот на нејзиното породување. „Се чувствував многу непријатно и се плашев дека можеби ќе ја изгубам мојата втора бременост, како и првата“, рече таа.
Лекарите ни дозволија да го држиме бебето по еден час после два месеци од нејзиното раѓање. Ние секојдневно ја посетувавме болницата, седевме еден час или повеќе, ја држевме и се грижевме за неа. Лекарите, исто така, ни помогнаа да го научиме методот Kangaroo Mother Care, раскажа таткото
Младата мајка била редовно следена од својот гинеколог од почетокот на бременоста и сè изгледало добро на почетокот сè додека не започнала да чувствува компликации и болка, и како што заминала на одделот за итни случаи, веднаш се случило предвременото породување во само 23. недела од бременоста.
Родителите морале да чекаат долго за да ја држат Латифа во рацете, бидејќи бебето останало повеќе од пет недели на NICU, но тие останале силни. „Лекарите ни дозволија да го држиме бебето по еден час после два месеци од нејзиното раѓање. Ние секојдневно ја посетувавме болницата, седевме еден час или повеќе, ја држевме и се грижевме за неа. Лекарите, исто така, ни помогнаа да го научиме методот Kangaroo Mother Care“, рече пресреќниот татко Салем.
Лекарите на Латифа веруват дека постојаното присуство на родителите имало огромна улога во закрепнувањето на бебето. Тие биле интегрален дел од тимот за грижа. (Gulfnews)
