Британската принцеза Шарлот ќе го прослави својот петти роденден со торта, игри и видеоповик со нејзината прабаба, кралицата Елизабета Втора.
Војводата и војвотката од Кембриџ организираат видеоповик за да може Шарлот следната сабота да ја да помине со семејството и пријателите, притоа придржувајќи се до мерките за физичка дистанца воведени во борбата против пандемијата.
Вилијам, Кејт и нивните три деца – шестгодишниот принц Џорџ, славеничката Шарлот и двегодишниот принц Луис се во изолација во Норфолк, но ќе се обидат Шарлот да се забавува на својот роденден следната недела и покрај невообичаените околности на кои коронавирусот го принуди светот.
Вилата Анмер Хол, свадбениот подарок од кралицата за Вилијам и Кејт, се наоѓа на пространиот имот Сандрингем, каде што семејството може да ужива во долги прошетки и пикници, а и понатаму да биде во изолација.
„Прабабата ќе и се придружи на нејзиниот голем ден“, откри извор за „Сан“.
Кралицата престојува во замокот Виндзор заедно со сопругот. Војводата од Единбург, 98-годишниот принц Филип е многу приврзан кон малата Шарлот и исто така би требало да учествува во видеоповикот.
