Во Турција живее најпозитивниот човек. За жал, не според карактерот, туку според корона тестот. Музафер е позитивен веќе 14 месеци или на 78 последователни тестови. Па со тоа, тој веќе и се шегува.
“Ова е веројатно женска верзија на КОВИД-19, оти е опседната со мене. И тука има топол дома, бидејчи јас сум со големо срце“, вели тој.
Кога прв пат се заразил, Музафер мислел дека ќе умре. Ослабел и имал едвај 50 килограми. Боледува од леукемија и секое дополнително слабеење на имунитетот тешко му паднало. Повеќе од една година подоцна, инфекцијата се уште го држи, но се држи и тој. “Додовме до точка кога болеста или ќе исчезне или ќе оди со мене во гроб, друг лек нема“, објаснува Музафер Кајасан.
Повеќе од 440 дена семејството го гледа само на прозор. Девет месеци е во болница, после тоа сам дома. Вакво нешто, вели тој, никому не би посакал. Не е лесно ниту од другата страна. Внуците наместо игра добиваат само ветувања. “Мојот татко е позитивна личност. Толку сме зборувале за неговата позитивност што стана и ковид позитивен и не може да се врати на негативно“, додава неговиот син Ѓокан.
“Имунокомпромитираните пациенти се во ризик од продолжена инфекција. Еден од четворица заболени од леукемија не поризведува антитела ни по две дози вакцина“, објаснува д-р Чагри Буке. “Не можеме со сигурност да кажеме дали вирусот е се уште активен или не, но постои 99 процеднтна шанса да не е активен, а со тоа ни заразен“, тврди лекарот.
Но, додека е позитивен, Музафер не може да се вакцинира. Без основни потреби и друштво, тој вели дека добро му дошле малку поблаги мерки на изолација.
