МОНТЕРИЈА, Мексико (Ројтерс) – На медицинските сестри во државна болница во Мексико им било кажано од страна на нивните менаџери да не носат заштитни маски на почетокот на епидемијата за да се избегне кревање на паника меѓу пациентите, медицинските сестри и другите здравствени работници.
Двајца лекари и административно лице од болницата починале, а најмалку 51 член на персоналот се заразени откако новиот коронавирус е откриен во општата болница IMSS во Монклова кон крајот на март, соопшти државниот оддел за здравство.
- Болницата стана првиот центар во Мексико за КОВИД-19, болест предизвикана од коронавирусот.
Најмалку четворица од заразените работници во моментот се хоспитализирани како резултат на епидемијата, што предизвика загриженост дека недоволно финансираниот здравствен систем во Мексико е лошо подготвен за да се справи со голема епидемија кај нација со скоро 130 милиони популација.
На почетокот на епидемијата, менаџерите „рекоа дека заштитната опрема не е неопходна“, изјави медицинската сестра Чарли Ескобедо Гонзалез, која работи во болницата во Монклова.
Одговарајќи на прашања од „Ројтерс“ за информациите дека раководството во болницата им кажало на вработените да не носат маски, висок службеник во главната јавна здравствена служба IMSS, која ја води болницата, изјави дека треба да им се верува на здравствените работници, но тој не ги потврди деталите за наводите.
„Поточно, ако тие го кажуваат тоа, тогаш, секако, ние мора да им веруваме“, рече претставникот на IMSS, Раул Пена Виверос. Тој рече дека може да има недоразбирања внатре во болницата околу тоа каде треба да се носи заштитна опрема.
Најмалку четворица од заразените работници во моментот се хоспитализирани како резултат на епидемијата, што предизвика загриженост дека недоволно финансираниот здравствен систем во Мексико е лошо подготвен за да се справи со голема епидемија кај нација со скоро 130 милиони популација
„Не сите работници мора да носат иста опрема во болницата. И кога овој вид на опрема се користи лошо … ја снемува побрзо и ги става во ризик работниците кои се во контакт со пациенти“, рече тој.
Мексико има регистрирано 4.661 лица со коронавирус и 296 смртни случаи, но коронавирусот за разлика од САД пристигна неколку недели подоцна во земјата.
Болницата во Монклова стана фокусна точка на коронавирусот во третата недела од март, истакнувајќи го недостатокот на маски, па дури и сапун, соопшти персоналот.
Откако вработените почнале да се разболуваат, раководителите им наложиле на здравствените работници да не користат маски за лице, кои некои си ги купиле и сами заради недостаток на болничка опрема, изјавија за Ројтерс седум здравствени работници од болницата.
Здравствените власти не дадоа детално објаснување зошто толку многу здравствени работници во Монклова се заразиле.
