За здрава бременост и здраво дете најдобро е жената со нормална телесна маса да добие 12 до 16 килограми. Но, може вкупно да добиете и повеќе или помалку. Тежнејте кон побавно и постепено зголемување на телесната маса, но имајте предвид дека секоја жена има свои индивидуални особини.
- ПРВО ТРОМЕСЕЧЈЕ
Доколку не сте имале проблеми со повраќање, може да добиете еден до два килограми, односно 10 проценти од вкупната тежина што ќе ја добиете во бременоста. Идеален пораст на тежината до крајот на овој период изнесува два килограми, односно 45 до 680 грама месечно.
- ВТОРО ТРОМЕСЕЧЈЕ
Во следните три месеци може да очекувате да додадете пет до седум килограми на постоечката телесна тежина, односно 50-60% од вкупното зголемување на тежината. Идеален пораст на тежината до 28. недела, изнесува девет килограми, односно 230 до 340 грама неделно.
- ТРЕТО ТРОМЕСЕЧЈЕ
Во текот на последните месеци, веројатно ќе добиете уште четири килограми, односно 30-40% од вкупниот пораст на тежината во бременоста. Идеален пораст на тежината до крајот на бременоста, изнесува 12 килограми, односно 340 до 450 грама неделно.
ШТО СЕ ЈА ЧИНИ ВКУПНАТА ТЕЖИНА НА КРАЈОТ ОД БРЕМЕНОСТА?
Вкупната добиена тежина, помеѓу 12 и 16 килограми се состои од следново:
- ДЕТЕ од 2500 до 4200 грама
- ПОСТЕЛКА околу 700 грама
- ПЛОДОВА ВОДА околу 900 грама
- ЗГОЛЕМУВАЊЕ НА ДОЈКИТЕ од 450 до 1300 грама
- ЗГОЛЕМУВАЊЕ НА МАТКАТА околу 900 грама
- ЗАЛИХИ НА МАСТ И ЗГОЛЕМУВАЊЕ НА МУСКУЛНАТА МАСА од 1800 до 3800 грама
- ЗГОЛЕМЕН ВОЛУМЕН НА ТЕЧНОСТИ од 900 до 1350 грама
- ЗГОЛЕМЕН ВОЛУМЕН НА КРВ од 1350 до 1800 грама
Доколку вашата тежина е во границите на просечните вредности, за време на бременоста ќе ви бидат доволни дополнителни 300 калории дневно, во споредба вкупните калории пред забременувањето, за да ја одржите својата телесна тежина. За време на првиот триместар, не ви требаат ниту овие дополнително 300 калории дневно, освен ако не се обидувате да надоместите изгубени килограми.
