Вообичаено е верувањето дека љубовта на родителите кон детето е вродена, дека се појавува речиси автоматски, веќе со првиот поглед на новороденото бебе. Многумина тврдат дека постои и пред породувањето.
И затоа многу мајки ќе тврдат дека имале вроден инстинкт уште пред да се породат.
И имаат многу аргументи да потврдат дека во многу ситуации инстинктот не ги измамил. Поточно, ги одвел на сосема спротивната страна од она што, на пример, го зборуваа поискусните мајки или доктори.
Од друга страна, ако мајката не почувствува безрезервна љубов кон своето бебе на прв поглед, се јавуваат притисок, па дури и предрасуди. Затоа што околината очекува веднаш да се „заљубите“ во вашето дете.
Меѓутоа, науката и бројните студии не го потврдиле постоењето на мајчиниот инстинкт. На пример, интуитивните проценки на бремените жени дали носат машко или женско дете не дале статистички значајни резултати.
Емоционални сигнали
Вистина е дека повеќето родители имаат добро чувство за своето дете и интуитивно чувствуваат што треба да се направи. Познато е дека мајките брзо учат да препознаваат што значи плачот на нивното бебе (глад, колики, потреба за допир…), а брзо успеваат да ги препознаат и невербалните емотивни сигнали на нивните деца.
Сепак, ова сè уште не е сигурен знак дека овие мајки поседуваат некој посебен инстинкт. Поизвесно е дека нивната грижа за детето, пожртвуваноста и бескрајната љубов влијаеле на формирањето на овој посебен однос меѓу нив и детето.
Но, што е со инстинктот на татковците? Ако мајчинскиот инстинкт е условен од биолошката способност на жената да раѓа, дали може да се зборува и за татковски инстинкт, како интензивна желба за потомство? Односно, дали оваа желба може да се смета за толку силна што да ги поприми контурите на инстинкт?
Експертите сметаат дека не може да се зборува за татковски инстинкт, туку за голема одговорност да социјално ги згрижат и заштитат децата и семејството.
Љубовта на еден татко настанува како резултат на времето поминато со детето, па и татковското чувство е всушност рефлексивно и свесно. Јасно, колку и да е рефлексивно и свесно, колку и да е силно, не е инстинкт.
Не се оптоварувајте
Ако мислите дека немате мајчински инстинкти, не грижете се. Тва не значи дека сте лоша мајка.
Имено, важно е да сте посветени на вашето дете, да мислите за себе како родител, да ги доведувате во прашање своите постапки, да не се плашите да побарате помош кога се чувствувате несигурни, да сте упорни во решавањето на конфликтите преку разговор…
Ако на вашето дете му пружите голема количина на љубов и сигурност во раното детство, сте го отвориле патот за подоцнежниот развој на нормална и здрава личност.
Со вашиот став во воспитувањето, без разлика дали е проткаен со мајчински инстинкт или не, со вашата емотивна топлина, препознавање на потребите на детето – влијаете на создавањето самопочит кај детето, неговата верба во себе, но и во својата околина.
На пример, ако поминувате повеќе време со вашето бебе, се очекува подобро да го запознаете и да ги препознаете неговите потреби, отколку, на пример, вашата мајка, без разлика што можеби таа одгледала пет деца.
