Никнувањето на забите е вистинска мака за родителите, но и за децата. Првите млечни заби обично почнуваат да растат од четвртиот до седмиот месец од животот, иако кај некои деца може да почнат порано или подоцна. Се смета дека детето треба да ги има сите млечни заби до тригодишна возраст.
Децата обично имаат 20 млечни заби. Млечните заби чуваат место за трајните заби, но нивната главна улога е да овозможат нормален раст и развој на вилиците. Исто така овозможуваат и џвакање и го олеснуваат консумирањето на храната, создавањето глас и говор.
Времетраењето на млечните заби во вилицата е до околу шестата година од животот. Децата обично ги имаат сите трајни заби до 16-годишна возраст.
Третманот на млечните заби е важен за да се зачува местото за траен заб. Доколку млечниот заб падне предвреме или е уништен поради кариес, трајниот заб може да дојде предвреме и да заземе неправилна положба во вилицата
Како да се намали болката за време на растот на млечните заби?
Растењето на млечните заби кај бебињата може да биде болно и многу тешко за детето, а може да настанат и потешкотии доколку се расипат млечните заби.
Првата посета на стоматолог треба да биде околу двегодишна возраст, за да може детето што полесно да се навикне на ординација и стоматолошки преглед.
Кај растот на млечните заби не можете многу да направите освен да чекате да изникнат. Детето може да биде немирно, да плаче и да се обидува да гризе сè околу него за да ја намали болката. Она што можете да го направите е да му ги масирате непцата со специјален гел за непца и да му дадете специјални играчки за гризање со гел кои ќе помогнат да се намали болката.
Дали треба да се поправаат млечните заби?
Накратко, одговорот е да. Како и трајните заби, и млечните заби може да се расипат и да развијат кариес или инфекција. Иако многумина мислат дека овие заби не треба да се поправаат бидејќи и онака ќе паднат, во случај на кариес, болка или непријатност, задолжително е детето да се однесе на преглед кај стоматолог.
Кариесот на млечните заби е многу интензивен и агресивен облик бидејќи глеѓта е послаба и бактериите многу брзо продираат во забот и придонесуваат за побрзо ширење на кариесот. Најчесто прво се појавува на горните секачи од двете страни, а може да се појави и на катниците. Почесто се појавува на горните заби отколку на долните заби. Кариесот на млечните заби со време станува препознатлив, добива црна боја.
Третманот на млечните заби е важен за да се зачува местото за траен заб. Доколку млечниот заб падне предвреме или е уништен поради кариес, трајниот заб може да дојде предвреме и да заземе неправилна положба во вилицата. Колку повеќе се оштетени или предвремено извадени млечни заби, толку е поголема шансата детето да носи ортодонтски протези за да се поправи збиеноста на трајните заби. Исто така, можно е и трајните заби полесно да страдаат од кариес доколку не се санираат млечните заби.
Не се препорачува вадење на млечните заби. Причината за тоа е прераното растење на трајните заби, што долгорочно може да предизвика проблеми. Секако, постојат ситуации поради кои би можело да се извади заб, како воспаление или недостаток на простор во вилицата за траен заб.
Кариесот на млечните заби е многу интензивен и агресивен облик бидејќи глеѓта е послаба и бактериите многу брзо продираат во забот и придонесуваат за побрзо ширење на кариесот. Најчесто прво се појавува на горните секачи од двете страни, а може да се појави и на катниците. Почесто се појавува на горните заби отколку на долните заби
Кога да започнете со миење на млечните заби?
Децата треба да се учат на орална хигиена веднаш штом ќе почнат да им растат млечните заби, за да добијат што е можно поскоро навика секојдневно да ги мијат и чистат забите и устата. Иако на почетокот детето можеби нема да знае само да ги мие забите, важно е да го научите како да ги мие забите и да создадете редовна навика. Добрата орална хигиена ја намалува можноста за појава на кариес и крвавење, што на долг рок ја намалува можноста за носење протези. Редовната навика за орална хигиена на млада возраст помага да имате здрави заби во зрелоста.
Детските млечни заби може да се мијат со специјални детски пасти за заби. Посетата на стоматолог треба да биде дел од оралната хигиена со цел навреме да се откријат какви било болести или кариес. Големо влијание има и правилната исхрана без многу шеќер и конзерванси.
Паѓањето на млечните заби не е болно
Околу петтата или шестата година, можете да очекувате дека млечните заби полека ќе почнат да паѓаат. Тоа значи дека е започнат процесот на замена на млечните со трајни заби. Прво ќе испаднат долните единици, а потоа и горните предни заби. Околу осмата година растат двојките, една година потоа тројките и така натаму. Трајните петки пристигнуваат околу 13. година.
Нишањето на млечните заби, како и нивното паѓање, не ги боли децата. Не го вадете насилно забот бидејќи сам ќе испадне и оставете му на детето да го заниша. Некои млечни заби може да имаат цврст корен и да не сакаат да испаднат. Доколку имате ваков случај кој трае подолго време, консултирајте се со стоматолог.
