Повеќе жени од кога било наполнуваат 30 години без да станат мајки. Без разлика дали е тоа затоа што не можат да си дозволат или не се на вистинското место, модерната жена го одложува раѓањето бебе.
Но, фактите околу плодноста остануваат: додека жените под 30 години имаат околу 25 % шанси да забременат природно со секој менструален циклус, таа шанса опаѓа на 20 % во триесеттите, и 5 % во 40-тите години.
Напредокот во ИВФ и замрзнувањето на јајце-клетките им даваат на жените повеќе опции, но тоа не е толку едноставно како што луѓето често мислат.
Д-р Хелен О’Нил, предавач по репродуктивна наука и молекуларна генетика и основач и извршен директор на „Hertility Health“, ги одвојува фактите од фикцијата за да ви помогне да се информирате. Еве што треба да знае секоја жена…
АКО СТЕ ПОД 35 ГОДИНИ
Ако гледате деца во вашата иднина, најдобро е да го намалите внесот на алкохол на минимум или целосно да го избегнувате во фазата пред зачнувањето, ако сакате да си дадете најголеми шанси да забремените.
Исто така, ослободете се од пушење или вејпање тутун и канабис, бидејќи тие можат да влијаат на вашата плодност.
Напредокот во ИВФ и замрзнувањето на јајце-клетките им даваат на жените повеќе опции, но тоа не е толку едноставно како што луѓето често мислат
Ако сте под 35 години и се обидувате да забремените една година без успех, можеби ќе сакате да побарате лекарски совет. Ако имате состојба која може да влијае на вашата плодност, како што се ендометриоза или PCOS, треба да побарате помош откако ќе се обидете да забремените шест месеци. Може да биде страшно да се направи тој чекор, но колку побрзо ја проверите вашата плодност, толку побрзо ќе можете да преземете нешто.
АКО СТЕ НАД 35 ГОДИНИ
Промените во квантитетот и квалитетот на вашите јајце-клетки играат најголема улога во тоа зошто зачнувањето станува потешко како што стареете. После средината на 30-тите, ги губите јајцата со побрзо темпо, додека квалитетот на вашите јајца исто така побрзо опаѓа. Ова значи дека е помала веројатноста успешно да се оплодат и/или да се вградат во вашата матка и постои поголем ризик од компликации, како што е губење на бременоста, гестациски дијабетес и генетски состојби кај бебето, како што е Даунов синдром. Плус, шансите за зачнување преку ИВФ исто така се намалуваат со возраста.
ИСТРАЖЕТЕ ГО КВАЛИТЕТОТ НА ВАШИТЕ ЈАЈЦЕ-КЛЕТКИ
Најважното нешто што треба да се разбере е дека големината и квалитетот на вашите резерви на јајниците и колку тоа опаѓа со годините – многу варира од едно до друго лице. Ова е делумно причината зошто некои луѓе можат да забременат на 40 години без помош, додека други се борат во нивните 20-ти.
Тестирањето на анти-мулеровиот хормон (AMH) во моментот е најточниот и најмалку инвазивен начин – тоа се прави преку тест на крвта – за проверка на резервите на јајце-клетки. Можеби ќе сакате да направите внатрешно скенирање на вашите јајници за да го процените бројот на јајце-клетки.
Ако сте под 35 години и се обидувате да забремените една година без успех, можеби ќе сакате да побарате лекарски совет. Ако имате состојба која може да влијае на вашата плодност, како што се ендометриоза или PCOS, треба да побарате помош откако ќе се обидете да забремените шест месеци
Сепак, ниту еден од овие тестови не може да ви каже за квалитетот на вашите јајца, и за жал, во моментов нема достапен тест за ова.
Исто така, постојат и други фактори кои можат да влијаат на плодноста, како што е вашата тежина или состојби на матката, како што се полипи или ендометриоза.
АКО КОРИСТИТЕ ХОРМОНАЛНА КОНТРАЦЕПЦИЈА
Откако ќе престанете да земате хормонална контрацепција, вашите циклуси треба да се вратат на она што било нормално за вас.
Имајќи го предвид ова, широко е прифатено дека долгорочното истражување за здравјето на жените е недоволно. Не се спроведени студии во доволно долг временски период за една форма на контрацепција за дефинитивно да се каже дали користењето на хормонална контрацепција има долготраен ефект врз вашата плодност. Во моментов, нема докази кои укажуваат на тоа дека е така.
УСПЕШЕН ТРЕТМАН ЗА ПЛОДНОСТ НЕ Е ГАРАНЦИЈА
Иако третманот за плодност им помогнал на милиони парови да забременат, не сите ќе забременат и ќе родат.
Во 2019 година, речиси 53.000 пациенти имале ИВФ циклуси со свежи или замрзнати јајце-клетки или донорска инсеминација. За жени на возраст под 35 години, постои 32 % шанси за живо раѓање по пренесен ембрион; за жени на возраст од 43 и повеќе години, оваа бројка е поблиску до 5 %.
ЗАМРЗНУВАЊЕ ЈАЈЦА
Замрзнувањето јајца често се смета за последна шанса за жени над 35 години, но жените треба да се охрабруваат да ги замрзнуваат нивните јајца порано и да бидат свесни за ризиците и малата веројатност за успех кога го прават тоа во доцните 30-ти и 40-ти години.
Иако 38 години е просечна возраст за замрзнување јајца во Велика Британија, чекањето до доцните 30-ти значи дека ќе се извади понизок квалитет и квантитет на јајца и можеби ќе ви требаат повеќе циклуси за да соберете доволно јајца.
РАЗМИСЛЕТЕ ЗА ТРОШОЦИТЕ
Замрзнувањето на јајца е огромна одлука, затоа одвојте време за убаво да размислите за тоа. Ако сте во добра финансиска состојба – замрзнувањето на јајцата е околу 4.000 фунти по циклус, и сте свесни за што се работи, тоа може да биде добра опција.
Кога се гледаат стапките на успех за замрзнатите јајца, бројките имаат тенденција да бидат прилично ниски. Неодамнешното истражување на тимот на „Hertility“ покажува дека од 373 жени кои ги замрзнале јајце-клетките, 36 се вратиле да ги користат, што резултирало со 12 живородени деца. Дополнително, 82 % од бебињата се родени кај оние кои ги замрзнале јајце-клетките на возраст од 36 до 39 години, а ниту едно кај оние кои ги замрзнале над 40 години.
АКО ВЕЌЕ СТЕ РОДИТЕЛ, СЕПАК, СЕ УШТЕ МОЖЕТЕ ДА БИДЕТЕ ПОГОДЕНИ
Само затоа што сте родиле бебе, тоа не значи дека следниот пат нема да имате проблеми. Секундарната неплодност влијае на околу 5 % од популацијата во Велика Британија и може да биде предизвикана од возраста, претходните компликации од бременоста или медицинскиот третман. Ако вие и вашиот партнер се обидувате да забремените веќе некое време, обидете се да побарате помош. (Сан)
