Дете кое одбива да следи наредби и се расправа со возрасните, може да ги излуди родителите и да направи да почнат да се сомневаат во исправноста на нивното воспитување.
Но, да се има пркосно дете не значи дека погрешно сте го воспитале, туку станува збор за нормални промени кои треба да ги разберете.
Тоа е период кога детето прв пат ја искусува магијата на автономијата. Истовремено поминува низ многу физички и емоцинални промени кои не може да ги разбере. Измешаните емоции често предизвикуваат инает, кој главно е привремен и е само една од фазите што ќе помине. Меѓутоа, ако детето покажува знаци на хроничен инает, проблемот може да биде малку подлабок.
ДАЛИ ДЕТСКИОТ ИНАЕТ Е ФАЗА?
Да, инаетот кај малите деца често е моментален и се јавува во раното детство. Стручњаците сметаат дека инаетот, отпорот и тврдоглавоста кај децата главно може да станат изразени на возраст од две години. Повеќето деца почнуваат да покажуваат бес на возраст од 18 месеци, но нивното инаетливо однесување обично почнува на 24 месеци или две години. Малото дете веројатно ќе го надрасне таквото однесување до возраст од четири години кога децата почнуваат подобро да соработуваат.
ШТО ПРЕДИЗВИКУВА ИНАЕТ КАЈ МАЛИТЕ ДЕЦА?
Искажувањето на инаетот не значи дека нешто не е во ред со детето или со вашите родителски вештини. Тоа е едноставно е начин на кој детето ја искористува својата новостекната независнот и го тестира светот, почнува да ги сфаќа причините и последиците.
КАКО ДА СЕ СПРАВИТЕ СО ИНАЕТЛИВО ДЕТЕ?
- Разговарајте со детето. Комуникацијата е клучна во воспитувањето на детето. Му помага да ги разбере основните правила и однапред дефинирани ограничувања.
- Откријте го тригерот. Некои дева може да покажуваат инает само со одредени ситуации или во интеракција со одредно лице. Пронајдете ја можната темелна причина и решете ја.
- Објаснете му на детето зошто рутината и дисциплината се важни и тоа не чува од опасности.
Немојте премногу да забранувате, бидејќи забраната ќе разбуди љубопитност. Со други зборови, немојте секогаш да велите ‘не’. Ако детските постапки не предизвикуваат никаква штета, можеби нема потреба секогаш да ги стопирате.- Децата учат со имитирање на однесувањето на другите. Затоа, учествувајте во неговите игри или активности за да моделирате добро однесување. Научете го како да ги почитува правилата во игрите и активностите.
Инаетот е вообичаено однесување во текот на растењето кој може да се контролира со соодветни мерки. Немојте за тоа да се обвинувате ниту себеси, ниту детето. Како детето расте, учи да соработува со другите и станува полесно да се вразуми.
