Дали сте забележале дека вашето дете има затнат нос, чешање на грлото или насолзени очи во исто време секоја година? Не си замислувате работи – сезонските алергии (познати како поленска треска) може да бидат виновни. Ах, пролет – сезона на расцветани цвеќиња, подолги денови и… чешање на очите и бесконечно кивање. Пролетта е период кога многумина веќе почнуваат да киваат поради сезонските алергии. Но, кога тие најрано може да се појават, односно дали може да ги имаат и бебињата и многу малите деца, пишува „Baby Center“.
Не е невозможно, но е малку веројатно дека бебе или дете во предучилишна возраст ќе развие сезонски алергии. Иако сезонските алергии се чести (според Американскиот центар за контрола и превенција од болести, се јавуваат кај 19 % од децата), ретко се развиваат пред втората година од животот. Тоа е затоа што обично е потребна подолга изложеност на тие алергени пред телото на детето да почне да реагира на нив.
Во сезонските алергии спаѓаат и алергии на честички во воздухот, како што се поленот или мувлата. Овој вид алергија се јавува во време од годината кога одредени видови дрвја, треви или плевели цветаат или кога мувлата ослободува спори во воздухот. Поленот од дрвјата е најактивен напролет, поленот од тревите кон крајот на пролетта и летото, а поленот од плевелот (особено амброзија) од доцно лето до есен.
Кога алергично дете или возрасен ќе вдиши полен или спори од мувла, телото ги препознава како „непријател“ и реагира со ослободување на хистамин и други хемикалии. Носот и дишните патишта се воспалуваат и се појавуваат симптоми на поленска треска.
Сезонските алергии можат да се појават речиси во која било возраст, но најчесто почнуваат пред 10. година (најчесто меѓу втората и петтата година) и го достигнуваат врвот во раните дваесетти. Понекогаш симптомите исчезнуваат во возрасна доба, но не секогаш.
Не е невозможно, но е малку веројатно дека бебе или дете во предучилишна возраст ќе развие сезонски алергии. Иако сезонските алергии се чести (според Американскиот центар за контрола и превенција од болести, се јавуваат кај 19 % од децата), ретко се развиваат пред втората година од животот. Тоа е затоа што обично е потребна подолга изложеност на тие алергени пред телото на детето да почне да реагира на нив
Ако вашето бебе или мало дете има симптоми за кои мислите дека се предизвикани од сезонски алергии, размислете и за други можни причини, како на пример, настинка. Исто така, причинител може да биде и некоја друга, несезонска алергија, на пример:
Некои видови храна. Алергиите на храна обично почнуваат во првите две години од животот. Всушност, на возраст од една година, кога алергиите на храна се најчести, околу 6 % до 8 % од децата имаат алергија на храна. Најчести алергени кај децата се: кравјо млеко, јајца, риба, јаткасти плодови, кикиритки, школки, соја, пченица и сусам.
Мувла. Според Американскиот колеџ за алергија, астма и имунологија (ACAAI), во САД постојат околу 1.000 видови мувли, од кои многу се невидливи за „голо око“. Кога спорите – кои растат на влажни места, внатре или надвор – ќе се најдат во воздухот, можат да предизвикаат алергиски реакции.
Грини од прашина. Алергените од грините брзо се таложат во прашина или ткаенини. Се задржуваат на постелнина, душеци, тапациран мебел, теписи и завеси. Според Американската асоцијација за бели дробови, најголемото изложување на алергени од грини се случува додека спиеме.
Кога алергично дете или возрасен ќе вдиши полен или спори од мувла, телото ги препознава како „непријател“ и реагира со ослободување на хистамин и други хемикалии. Носот и дишните патишта се воспалуваат и се појавуваат симптоми на поленска треска
Животински првут од миленици. Мачките почесто предизвикуваат алергии отколку кучињата, но дури и животни со кратко влакно можат да остават првут (бели, лушпести честички од кожа) и плунка. Исто така, имајте предвид дека милениците кои излегуваат надвор можат да донесат полен и мувла на своето крзно, што може да предизвика алергиска реакција кај детето, па може да изгледа како да е алергично на миленичето, а да не е.
Лекови, како што се одредени антибиотици и лекови без рецепт.
Штетници, како што се лебарки и глодари.
Хемикалии, на пример, во детергенти, средства за чистење и бои.
Сезонските алергии може да се појават речиси во која било возраст, но најчесто почнуваат пред 10. година (најчесто меѓу втората и петтата година) и го достигнуваат врвот во раните дваесетти. Понекогаш симптомите исчезнуваат во возрасна доба, но не секогаш
СИМПТОМИ НА СЕЗОНСКИ АЛЕРГИИ КАЈ ДЕЦАТА
Знаците и симптомите на сезонските алергии кај децата вклучуваат:
- Запушен нос, течење на носот, чешање во носот.
- Кивање.
- Чешање во грлото.
- Триење на очите и/или носот.
- Солзење на очите, црвени и подуени очи.
- Темни кругови под очите.
- Чешање во ушите.
- Дишење на уста (заради запушен нос).
- Суво кашлање.
- Главоболка.
- Чешање на кожата и појава на уртикарија (поретко кај сезонските алергии).
Ако се сомневате дека вашето дете има сезонска алергија, најдобро е да се консултирате со педијатар, кој по потреба ќе ве упати на понатамошни испитувања за да се утврди точната причина.
