Кога размислувате за храна која може да предизвика гушење кај децата, грозјето, пуканките, тврдите бонбони или виршлите се веројатно првите нешта што ви паѓаат на ум. Но, постои едно овошје за кое можеби не сте свесни дека може да биде опасно по живот за вашето дете, вели медицинската сестра Ники Јуркуц.
Таа на својата едукативна веб-страница Tiny Hearts Education објави дека и мандарините се меѓу високоризичните намирници за бебиња и мали деца. Имено, тие имаат жилава, влакнеста структура, поради што можат да ги блокираат дишните патишта.
„Тие се сунѓерести и тешко се џвакаат“, предупредува Јуркуц и вели дека мандарините не се распаѓаат лесно, туку се претвораат во кашеста маса.
Таа предупредува и за семките кои се наоѓаат во мандарини, но додава дека тоа не значи дека не треба да им ги давате на децата. Таа вели дека можете да ги исечете мандарините на половина, да ги извадите семките и да го исечете ова овошје на мали триаголници.
