БРОЈТЕ ГИ ХРАНЛИВИТЕ СОСТОЈКИ, А НЕ КАЛОРИИТЕ
Повеќето жени се свесни каква и која храна е препорачливо да се избегнува за време на бременоста: свежо сирење, пршута, нестерилизирани млечни произоди… Но, акцентот е поголем на тоа која храна треба да се внесува. Не треба да јадете за двајца, туку да внимавате храната што ја внесувате да биде хранлива, а не калорична.
“Дневно се потребни само 300 калории повеќе од она кое ви било потребно пред забременувањето, за да износите здраво и силно дете. Тоа значи да дневниот внес на енергија треба да се усклади со препораките и да се распоредат оброците во повеќе мали дневни оброци“, советуваат нутриционистите.
Првите три месеци од бременоста се развиваат органите кај бебето, па исхраната треба да биде разнолика и да се темели на интегрални житарки, овошје, зеленчук и квалитетен избор на масти и белковини.
ДОГОВОРЕТЕ УЛТРАЗВУЧЕН ПРЕГЛЕД
Првите шест до девет недели, ултразвучниот преглед знае да биде несигурен. Но, по овој период, дури и и се препорачува да се направи првиот ултразвучен преглед.
“Најчесто се прави за време на првото тромесечје (до крајот на 12. Недела од бременоста) и може прецизно да се одреди траењето на бременоста, бројот на плодови и јасно да се оцени дали станува збор за уредна бременост или за патолошка“, објаснуваат гинеколозите.
ДОЗНАЈТЕ КОИ СЕ ЗНАЦИ НА ВОНМАТЕРИЧНА БРЕМЕНОСТ
Вонматеричната бременост е кога фетусот се развива надвор од матката, обично во јајцеводот. Може да биде опасна по животот на мајката и нема начин да се спаси фетусот. Обрнете внимание на болка во стомакот, крварење и болка на врвот од рамената. Особено силна болка во стомакот, која жените ја опишуваат како убод со нож, во повеќето случаи е знак за прскање на јацеводот и бара итна хируршка интервенција.
КРВНАТА ГРУПА Е МНОГУ ВАЖНА
Ако имате негативна крвна група (RH -), а бебето кое го носите е позитивна, тоа може да предизвика бројни компликации. Штом забремените, треба да направите едноставен тест од крв за да дознаете која крвна група сте, во случај да не знаете.
