Новите родители секогаш се исплашени за многуте правила кои што доаѓаат заедно со бебето, па и кога сите ќе се измешаат со свои совети, остануваат во комплетна заблуда. Една од најголемите дискусии е секако спиењето на бебето, поточно положбата во која треба детето да спие.
Американската академија за педијатрија открила дека помалку од 50 отсто од родителите го ставаат бебето во безбедна положба за спиење, а тоа е спиење на грб!
Откако испрашале 3.297 мајки, откриле дека 44% од нив го ставале бебето во соодветна положба, додека 56% мислеле дека е побезбедно нивното бебе да спие на страна или на стомак. Исто така откриле дека новите родители се под големо влијание на она што другите го прават, како членови на семејството и пријатели.
Педијатарката Ева Колсон вели дека не е изненадена од ваквите резултати. Но, како што вели таа, раното родителство е време во кое постои заситеност од преголема количина на информации и премала количина на сон, а нагласува и дека не смее да се заборави ниту фактот сека сите имаат мислење за тоа што новите родители треба да прават.
Секако, ова може да ниде многу оптоварувачко, но ова е важен потсетник дека, кога се работи за здравјето и безбедноста, најважен е советот на стручњаците и лекарите кои на родителите им даваат јасни и точни насоки.
