На возраст од 24 месеци, децата почнуваат да имаат различни стравови. Иако не можете целосно да ги отстраните од нивните животи, д-р Керол Купер и д-р Пола М. Елбирт истакнуваат дека можете значително да го промените начинот на кој детето се справува со стравот. Ако, на пример, му кажете на детето дека она од што се плаши е смешно, тоа уште повеќе ќе го исплаши бидејќи мора да се соочи со стравот без ваша поддршка. Наместо тоа, сфатете ги неговите стравови сериозно и охрабрете го да зборува за нив. Ако вашето дете ви верува и гледа дека не сте загрижени, ќе му биде полесно да се справи со своите стравови.
ОВА СЕ НЕКОИ ОД НАЈЧЕСТИТЕ ДЕТСКИ СТРАВОВИ:
Темнина – ставете ноќно светло во детската соба или оставете ја вратата отворена и светлото запалено во ходникот.
Гром и молња – држете го до себе и објаснете од каде доаѓа силната бучава. Прочитајте приказна во која детето ужива.
Чудовишта под креветот – Гушкајте се и читајте книги за страшни суштества, шегите за „чудовишта“ ќе му помогнат на детето да почувствува олеснување.
Одење во непознато – објаснете што ќе се случи за детето да знае што да очекува. Направете да звучи забавно и возбудливо.
Животни и инсекти – дозволете му на детето да види како галите добродушно куче или зборувајте со ентузијазам за пајакот што сте го нашле во градината. Поради вашите реакции, детето ќе добие храброст.
КОШМАРИ: Децата понекогаш имаат лоши соништа. Ако вашето дете изгледа среќно во текот на денот, нема за што да се грижите, забележуваат д-р Купер и д-р Елбирт. Иако можеби ќе сакате да одредите дали видело нешто страшно или несоодветно на ТВ или во книга. Ако детето се разбуди ноќе, веднаш одете кај него и уверете го дека тоа било само сон и дека не може да му наштети. Кажете му дека сите сонуваат, а кога тоа повторно ќе заспие, се ќе биде во ред. Покажете му дека е безбедено во својата соба, а потоа останете со него додека не заспие.
