Во седмицата што доаѓа, петок е неработен ден, кој сигурно многумина ќе го спојат со викенд и планираат одење на море, планина или езеро со деца, но не заборавјте да ги заштите најмладите од сонце. И тоа на соодветен начин. Дерматолозите истакнуваат дека кремите за сончање се задолжителни во потоплите месеци, а еве на што треба да внимавате при нивното купување.
СОСТОЈКИ: Дерматолозите советуваат повеќе да избирате минерални креми отколку хемиски, бидејќи нема така лесно да се впијат во кожата, а погодни се и за чувствителна детска кожа склона на иритации. Минералните креми за сончање содржат титаниум диоксид и цинк оксид, два природни минерали кои можат да го блокираат сончевото зрачење.
СПФ ЗАШТИТА: Кремот за сончање на вашето дете треба да има најмалку заштитен фактор 30 – СПФ 50 или поголем е идеален.
КОНЗИСТЕНЦИЈА: Експертите напоменуваат дека кремите и лосионите за сончање се поефикасни од кремите за сончање во спреј, бидејќи подобро ја покриваат кожата и на тој начин обезбедуваат подобра заштита.
КАКО ПРАВИЛНО ДА СЕ НАНЕСЕ КРЕМАТА?
За да биде ефикасно средството за сончање, треба да знаете како да го користите. Еве неколку правила кои можеби не сте ги знаеле:
- Водоотпорниот крем за сончање трае само 40 минути – водоотпорниот крем за сончање побрзо го губи заштитниот ефект после капење. Неопходно е повторно да се намачка во рок од 40 минути.
- Потребно ви е повеќе крем во солена вода отколку во слатка вода – солената вода е погуста од слатката, така што пливањето во солена вода го одржува телото поблиску до површината отколку кога пливате во слатка вода. Затоа, во солената вода повеќе сме изложени на влијанието на УВ зраците. Затоа, потребно е да се заштитите со повисок фактор и почесто да го обновувате заштитниот слој на кремот.
- Кремот треба да се нанесува дури и ако не сте на плажа – ако играте на сонце со вашето дете, трчате, возите велосипед и слично, подеднакво сте изложени на сончевите зраци. Заштитете се со истиот фактор како да одите на плажа да легнете и да се сончате.
- Не е доволно да се намачкате еднаш или двапати во текот на денот – доколку поминувате време на сонце, важно е на секои два до три часа да го обновувате слојот на заштитниот фактор. И користете го кремот во подебел слој.
- Директното сонце и топлината ја оштетуваат трајноста на кремата за сончање – кремата за сончање може да се користи приближно една година по отворањето. Ова е време во кое производителите ја гарантираат ефективноста на заштитниот фактор. После тој момент, ефективноста на препаратот слабее, но не целосно. Секако, доколку го чувате на суво и темно место. Избегнувајте да чувате крема за сончање во врел автомобил, бидејќи може да го изгуби заштитниот фактор и за неколку недели.
