Бебето за кое се верува дека е најмалото новороденче во светот, пуштено е од болницата во Сингапур, по 13 месеци интензивно лекување. Квек Ју Сан по раѓањето имала само 212 грама, колку што тежи едно јаболко и била долга 24 сантиметри. На свет е дојдена со само 25 недели, што е далеку под просечните 40 недели.
Претходниот рекорд, според Регистарот на најмали бебиња при Универзитетот во Ајова, го држеше девојче од САД со родилна тежина од 245 грама, дојдено на свет во 2018 година.
Лекарите ја породиле мајката на бебето Ју Сан со царски рез, четири месеци пред терминот, бидејќи и била дијагностицирана прееклампсија.
Се работи за опасен висок крвен притисок, кој може да ги оштети воталните органи и да биде смртоносна како за мајката, така и за бебето.
Ју Сан сега тежи 6,3 килограми.
“Бебето имаше намалени шанси да преживее. Но, и покрај се, со здравствените компликации по раѓањето, тоа ги инспирира луѓето околу себе со сопствената упорности раст, што го прави исклучитено бебе“, се наведува во соопштението од Националната универзитетска болница во Сингапур, каде е родена Ју Сан.
За време на престојот во болница, девојчето е лекувано на повеќе начини, а користени се и различни апарати за да преживее. Докторите велат дека бебето убаво напредувало и дека сега е доволноо добро да биде пуштено од болница.
Ју Сан се уште има хронична болест на белите дробови поради што ќе и биде потребна помош при дишењето и во домашни услови. Сепак, лекарите очекуваат дека со тек на време се ќе биде подобро.
Извор: Би-би-си
