Бебето кое се смета за најмало на светот е родено во Сингапур и тежело само 212 грама. Квек Ју Џуан е родена во јуни 2020 година во 25-та недела од бременоста, значително порано од полниот термин, поради компликации кои се случиле по прееклампсија. И покрај предизвиците и ограничените шанси за преживување, по 13 месеци поминати во болница, Ју Џуан излезе со тежина од 6,3 килограми.
Пред овој случај, најмалото бебе на светот е родено во 2018 година во Ајова тешко само 245 грама.
Девојчето Сајби, родено во болницата Шарп Мери Бирч во Калифорнија во Сан Диего, исто така тежело 245 грама при раѓањето и успешно се изборило за живот, иако лекарите предвидувале дека нема да преживее повеќе од еден час. По шест месеци хоспитализација, Сајби е пуштена дома како здраво бебе тешко речиси два и пол килограми.
