Иако повеќето мислат дека родителството е најголем предизвик кога имате новороденче, студиите докажуваат дека тоа не е најпредизвикувачкиот период на родителство.
Студијата на Државниот универзитет во Аризона, објавена во списанието „Developmental Psychology“, следела повеќе од 2200 мајки и покажала дека родителството е најголем предизвик кога децата се на возраст од 12 до 14 години. Под најголем стрес се родителите на тинејџерите.
Мајките се првите што реагираат на детската вознемиреност, но сега тие треба да најдат нови начини како да им пружат утеха, бидејќи старите методи, како прегратки и приказни пред спиење, повеќе не делуваат
Зошто овој период на родителство е најпредизвикувачки?
„Пубертетот носи посложени родителски предизвици и поголеми ризици доколку нешто тргне наопаку“, истакна професорката Сунија Лутар.
Овој период е најпредизвикувачки поради пубертетските хормонски промени, развивање на свеста за социјалниот статус, формирање на сопствено „јас“ и се поголемиот притисок за постигнување успех на училиште. Со првите моменти на независност, непромислените одлуки можат да станат чести.
„Мајките се првите што реагираат на детската вознемиреност, но сега тие треба да најдат нови начини како да им пружат утеха, бидејќи старите методи, како прегратки и приказни пред спиење, повеќе не делуваат“, вели Лутар.
Оваа возраст е најголем предизвик за родителите бидејќи тие се соочуваат со првите поголеми проблеми на нивните деца, кои не се решаваат лесно со едноставно ветување за купување сладолед или други средства за „подмитување“. Сите транзиции во животот се тешки, но најважно е да се подготвите за нив за полесно да ги пребродите, пренесува „Your Tango“.
