Кога сте биле дете, веројатно не сте се грижеле за ништо друго освен за пишување домашна задача и каква играчка ќе добиете за роденден. За разлика од вас, некои деца денес имаат сосема поинакво детство и тоа благодарение на добивката на лотаријата на генетиката. Имено, овие 5 деца се прозвани како „најубави“ на светот, што им донесе профитабилни договори во модната индустрија и многу следбеници на социјалните мрежи. А некои од нив се уште немаат ни 10 години.
МИА АФЛАЛО
Родена е во Тел Авив, Израел, има само 9 години и благодарение на природно долгата, убава коса веќе остави свој белег на модниот пазар. Миа се најде и на страниците на британскиот Вог.
ФАРУК ЏЕЈМС
Ова деветгодишно момче од Лондон стана сензација на Инстаграм благодарение на неговата многу долга коса. Иако му донесе слава, модни договори и пари, неговата мајка често е критикувана од оние кои сметаат дека момчињата треба да носат само кратка коса.
ВИОЛЕТА АНТОНОВА
Виолета е родена во Русија во 2014 година, а со манекенство започнала на пет години. Нејзините родители уште од мала ја охрабрувале да ги следи своите соништа, па денес ова девојче е едно од најпопуларните во Русија, а на Инстаграм ја следат повеќе од милион луѓе.
АВА МАРИ И ЛЕА РОЗ КЛЕМЕНТС
Идентичните близнаци Клементс се родени во 2010 година и се веројатно најпопуларните детски модели на денешницата. Кога имале седум години, нивните родители потпишаа договор со две агенции за модели, а медиумите често ги нарекуваат „најубавите близначки на светот“.
