Иако народната медицина нуди и добри решенија, некои врежани лекувања може да опасни за детето.
Едно од таквите непосакувани решавања на проблемот е намалување на температура со студена вода или пак облоги од ракија или алкохол.
Вистината што ќе ви ја каже декој лекар е дека никако не смеете на детето да му ставате студени облоги натопени во алкохол, оти ја суши и минува низ кожата, а во крвта може да дојде и со инхалација од алкохолната пареа.
Туширањето со студена вода на дете кое има температура, може да предизвика шок и треска. По давањето на лек за намалување на температурата, детето може да се истушира со млака вода, но никако со студена.
Следниот мит кој може да му наштети на детето се однесува на крвавње од носот, а според него главата треба да се држи навалена наназад.
“ Детето треба да се постави така да главата лесно му е наведната нанапред, а не наназад. Ако главата се наведне наназад, крвта се слева во грлото, а тоа не се гледа, па може да асе случи да детето изгуби многу крв непотребно. Тоа не може да се случи ако детето лесно да наведне главата нанапред. Исто така, за детето е многу непријатно кога крвта му се слева во грлото или во душникот, што може да биде и опасно“, појаснува д-р Џована Армано, специјалист педијатар.
Познато е дека бебињата и децата често плачат, а старите луѓе знаеле да речат дека тоа е доборо за развој ан белите дробови. Но, детето со плачењето сигнализира дека нешто не е во ред или дека нешто му треба, и таа потреба треба да се задоволи, и никако не треба да се остави подолго неутешно да плаче.
Следната заблуда се однесува на санирање на изгореница со путер или белка. ПОГРЕШНО!
“ На изгореница не треба да се става ништо друго освен стерилна газа. Никако не треба да се става путер или белка кои може да предизвикаат инфекција. Треба да се процени длабочината на изгореницата и во случај на подлабока и поголема изгореница, треба да се побара лекарска помош. Мразот не помага и е непријатен за детето, иако помала изгореница може кусо да се стави под студена вода“, вели д-р Армано.
Растењето на забите и отекувањето на непцата се болни и непријатни, а уште еден мит, кој никако не смее да се примени, вели дека непцата треба да се трлаат со ракија, вино или со рум.
Дадете му на бебето да џвака гумени играчки или лесно измасирајте му ги непцата со специјален гел за таа намена од аптека, кој накратко ќе ја смири болката.
Децата често знае да ги боли и уво. Меѓу луѓето е врежана приказната за билката чуваркуќа, чии листови содржат сок кој се капнува во увото, но лекарите не се согласуваат.
“Фитотерапијата секако дека има свое место, но смесите од билки, особено за децата, не е паметно да се прават дома. Правилото е ништо да не се става во увото, оти не се знае шпричината за болката, ниту пак се знае дали течноста од билката е чиста и каков состав има“, вели педијатарката Армано.
