Успивањето на бебе понекогаш делува потешко од трчањето маратон. Родителите посегнуваат по различни техники за да своите најмили ги сместат во топол кревет и да украдат барем малку мир за своја оддишка. Меѓутоа, тоа не е секогаш едноставно.
Ви претставуваме три методи кои ќе ви помогнат полесно да го успиете вашето бебе.
СТОЛИЦА МЕТОДА
Оваа метода се заснова на тоа да родителот е присутен во собата на бебето додека тоа не заспие.
- Како да ја изведете?
Родителот седи на столица покрај креветчето и бебето го смирува со својот глас и галење, но не го земе во раце. Кога бебето ќе се смири, столот полека се трга од креветчето се до моментот кога бебето повеќе не може да го види, но родителот и понатаму не ја напушта собата. Ако бебето се вознемири или заплаче, столот може да се доближи, но бебето и понатаму не се зема во раце.
МЕТОДА “НА ЧЕКОР ДО ЗАСПИВАЊЕ“
Суштината на оваа метода е во следење на ритамот на бебето и будноста, па следствено на тоа се става на спиење кога е многу поспано, бидејќи тогаш се најголеми шансите само да се успие.
- Како да ја изведете?
Доколку сте од оние кои сакаат кога бебето плаче, оваа метода ќе ви биде подобра од претходната, бидејќи сега може да го земете детето во раце.
Спуштете го бебето во креветчето, а ако заплаче, се зема во раце да се смири и утеши, но не подолго од 30 минути. Доколку се смири и порано, веднаш спуштете го во креветче.
Оваа техника може да ја прилагодите и така што ќе ја напуштите собата откако ќе го ставите бебето во кревет и потоа неколку пати во куси временски интервали ќе го ѕирнете.
МЕТОДА “ПОДИГНИ – УТЕШИ-СПУШТИ“
Оваа метода најмалку ќе го вознемири бебето, но најмногу ќе ги измори родителите.
- Како да ја изведете?
Бебето поспано, но будно се спушта во креветчето, а ако заплаче се чека една минута да видите дали само ќе се смири. Доколку не успее само да се смири, го земате, го утешувате кратко и повторно го спуштате во креветче. Процесот се повторува додека бебето не заспие.
