Во последните неколку години се повеќе се зборува за постпородилната депресија, која генерално се смета за табу тема. Сепак, таа навистина постои и тоа кај дури 20 проценти од мајките. Интензивните симптоми, кои вклучуваат депресија и многу солзи, обично се јавуваат во текот на првите неколку недели по породувањето, но можат да се јават и подоцна во животот во текот на првата година од животот на бебето.
Според најновата студија на националниот институт за јавно здравје на САД, се случува постпородилната депресија кај младите мајки да трае и по три години.
Студијата објавена во стручното списание Pediatrics е спроведена на 5.000 жени. Една од четири мајки имала високо ниво на симптоми на депресија во некој период во тек на три години од раѓање на детето.
“Нашата студија говори дека шест месеци не се доволно долг период да се препознае депресија“, истакнува главниот автор на студијата, Дајен Путник.
Доколку сметате дека страдате од постпородилна депресија, важно е да се обратите кај лекар. Симптомите се: тага, анксиозност, промена на апетитот, пореметување во спиењето, чувство на беспомошност и безвредност.
“Долгорочните податоци се клучни за подобро разбирање на менталното здравје на мајките, што знаеме дека е важно за благосостојбата на нив самите, но и за бебињата“, додава таа.
“Предлагам контроли во наредните две години, бидејќи така ќе биде појасно на кои мајки им оди добро, а на кои не“, вели авторката на студијата, потенцирајќи дека контролите не мора да бидат задолжителни, но се препорачуваат.
