Убедувањето на вашите деца да јадат овошје и зеленчук е еден од најтешките делови од родителството. Но не и за Шарлот Траверс. Нејзиниот шестгодишен син Томас апсолутно сака да јаде портокали и мандарини, понекогаш јадејќи и цела ќеса во еден ден.
Сепак, оваа навика има и негативна страна – ја пожолтува неговата кожа.
Г-ѓа Траверс (32), од Пејгтон во Девон, сега се шегува на сметка на овој феномен, нарекувајќи го својот син „Томас Симпсон“, во знак на познатиот цртан филм и жолтата кожа на ликовите.
Не постојат познати негативни здравствени состојби поврзани со консумирање премногу бета каротин. Како дел од урамнотежена исхрана, супстанцијата е всушност корисна. Тоа е затоа што човечкото тело може да го претвори бета каротинот во витамин А, кој му помага на имунолошкиот систем, очите и кожата
На почетокот, сепак, промената на бојата ја вознемири. Дури и семејниот лекар бил збунет што е причината. „Почна да пожолтува и бев прилично загрижена бидејќи тоа може да биде знак за откажување на бубрезите или црниот дроб“, рече таа.
„Мислев да го одведам на лекар за секој случај, никогаш не се знае“.
Жолтата кожа најчесто е предизвикана од жолтица, знак за проблем во органите како црниот дроб и бубрезите.
Тоа може да биде знак за сериозна состојба како заболување на црниот дроб бидејќи супстанцијата наречена билирубин се акумулира во телото, предизвикувајќи ткивата да пожолтуваат.
Лекарката на Томас не се посомневала во ништо лошо, со оглед на тоа што детето немало жолти очи – показател за состојбата.
Г-ѓа Траверс рече: „Таа ни рече дека понекогаш децата може да добијат обоена кожа од играње во кал или песок. Но, ова беше повеќе од тоа – па направивме тестови на крвта и сите беа во нормала“.
Жолтата кожа најчесто е предизвикана од жолтица, знак за проблем во органите како црниот дроб и бубрезите. Тоа може да биде знак за сериозна состојба како заболување на црниот дроб бидејќи супстанцијата наречена билирубин се акумулира во телото, предизвикувајќи ткивата да пожолтуваат
Тогаш мајката и кажала на докторката за необичните навики во исхраната на нејзиниот син, кој јадел и по една ќеса портокали или мандарини секој ден. Тоа ја решило загатката.
„Никогаш за милион години не би помислила дека тоа е она што предизвикува неговата кожа да пожолти“, рече таа.
Портокалите – и другите овошја, како што се манго, кајсии и тикви – содржат природен пигмент наречен бета каротен. Оваа супстанца им ја дава нивната карактеристична нијанса.
Со текот на времето, консумирањето прекумерни количини на бета каротин може да предизвика кожата да добие жолто-портокалова боја. Каротенемијата, како што е медицински позната, е безопасна. Но, може да поминат неколку месеци за кожата да се врати во нормална боја.
Не постојат познати негативни здравствени состојби поврзани со консумирање премногу бета каротин. Како дел од урамнотежена исхрана, супстанцијата е всушност корисна. Тоа е затоа што човечкото тело може да го претвори бета каротинот во витамин А, кој му помага на имунолошкиот систем, очите и кожата. (Дејли мејл)
