Комплетот се состои од стапче за брис од носот, хемиски раствор и ленти за тестирање. Портпаролот на компанијата произведувач изјави дека тестот ќе чини околу 30 американски долари и дека ќе може да се купи во аптеките или да се порача преку интернет
Првиот домашен тест за коронавирус за кој не е потребен рецепт наскоро ќе биде достапен во САД. Американската Управа за храна и лекови (ФДА) одобри употреба на тест, што може да се направи во домашни услови, а е наменет за лица постари од 2 години.
Стивен Хан, директорот на Управата, соопшти дека на тој начин е овозможено тестот да се најде на продажба во аптеките.
„Таму пациентот може да го купи, да се тестира и после 20 минути да добие резултат“, рече Хан.
Почетните залихи на овој вид на тест ќе бидат ограничени. Австралискиот произведувач „Елум“ најави три милиони тестови во декември пред да го зголеми производството во првата половина на 2021 година.
Портпаролот на компанијата изјави дека тестот ќе чини околу 30 американски долари и дека ќе може да се купи во аптеките или да се порача преку интернет.
Комплетот се состои од стапче за брис од носот, хемиски раствор и ленти за тестирање. Тестот детектира одредени протеини на вирусот познати како антигени. Дигитално се поврзува со апликација за паметен телефон што го прикажува резултатот и помага во негово толкување. Исто така, преку апликацијата, можно е да се поврзете и со здравствен работник.
Американските здравствени експерти со месеци укажуваа на потребата од брзо и распространето домашно тестирање – што помага да се избегнат контакти меѓу луѓето и да се намалат шансите за ширење на инфекцијата
Експертите од Управата за храна и лекови на САД утврдија дека тестовите на „Елум“, како и другите кои применуваат слична методологија, можат да дадат мал процент на лажно позитивни и лажно негативни резултати. Корисниците кои ќе добијат негативен резултат, но имаат симптоми на коронавирус, треба да се обратат на медицински работник, прецизираат од Управата.
Американските здравствени експерти со месеци укажуваа на потребата од брзо и распространето домашно тестирање – што помага да се избегнат контакти меѓу луѓето и да се намалат шансите за ширење на инфекцијата.
Сепак, за повеќето тестови, потребно е да се земе брис од нос, кој потоа се обработува во лабораториски услови, а тоа подразбира чекање од неколку дена.
Во САД моментално дневно се тестираат скоро два милиони луѓе.
