Силниот имунолошки систем е клучен за здрав живот. На децата им треба постојана грижа и правилна здравствена рутина за да останат здрави. Родителите секогаш се загрижени за здравјето на своите деца и прават се за да ги заштитат од потенцијални болести што е можно поуспешно. Понекогаш децата се соочуваат со проблемот на слаб имунитет, што ги прави осетливи на болести, а еве кои знаци може да укажуваат на тоа дека детето има ослабен имунолошки систем.
Склоно е кон настинки
Ако вашето дете е постојано настинато и тоа трае некое време, причината може да биде затоа што неговите антитела се премногу слаби за да се борат со болеста. Како што објаснуваат педијатрите, редовните настинки често значат дека имунитетот на детето е слаб и дека поради тоа често се разболува.
Има нередовна столица и многу дигестивни проблеми
Поголемиот дел од имунолошкиот систем се наоѓа во дигестивниот тракт и ако се појават проблеми таму, тогаш страда и имунолошкиот систем. Имено, дијарејата најчесто се јавува кога некој има слаб имунолошки систем, а проблемите со гасови и запек се исто така последица на слаб имунитет.
Недостаток на енергија
Секоја промена во нивото на енергија на детето може да биде знак за слаб имунитет, особено ако вашето дете е инаку многу разиграно и активно. Кога детето нема енергија како и обично, најчеста причина за тоа може да биде ослабениот имунолошки систем што го спречува да ги извршува секојдневните активности како порано.
Раните бавно зараснуваат
Децата често се повредуваат додека си играат. Меѓутоа, кога на нивните повреди им е потребно значително подолго време за заздравување, тоа може да се должи на слабиот имунолошки систем. Раните на кои им треба подолго време за да зараснат може да доведат и до многу инфекции кои може да се влошат доколку детето има ослабен имунолошки систем. Како што откриваат педијатрите, со слаб имунитет, кожата не успева сама да се регенерира и раната со текот на времето се влошува.
