Поттикнувањето на децата да испробуваат нови работи, да учат и да се развиваат ја гради нивната самодоверба и отпорност и им помага да станат токму такви луѓе какви што родителите би сакале. Знаеме дека понекогаш е тешко, но родителите никогаш не би требало да им забрануваат или да ги обесхрабруваат децата кои покажуваат желба да пробаат нешто ново.
Секое искуство што ќе го стекнат придонесува за нивните вештини, креативност и независност, а стручњаците за порталот „Тајмс оф Индија“ издвојуваат десет работи што родителите никогаш не би требало да им ги забрануваат на децата.
Откривање на креативноста
Поттикнувајте ги децата да сликаат, цртаат или создаваат. Дозволете им да се изразат преку уметноста, музиката или раскажувањето приказни, бидејќи креативноста ја развива фантазијата, способноста за решавање проблеми и емоционалната стабилност.
Поставување прашања
Децата се љубопитни. Никогаш не ги одвраќајте од поставување прашања како „зошто?“ или „како?“. Одговарањето на нивните прашања им помага во развојот на критичкото размислување, знаењето и самодовербата во учењето нови работи.
Испробување нови хобија
Без разлика дали станува збор за танц, спорт, градинарство или програмирање, дозволете им на децата да истражуваат различни хобија. Хобијата од најрана возраст развиваат самодоверба, трпеливост и урамнотежена личност.
Дозволете им да се качуваат на дрвја, да трчаат боси или да ја истражуваат природата. Играњето на отворено го подобрува физичкото здравје, когнитивните способности и свеста за околината, а детството го прави порадосно
Немојте да ги спречувате да погрешат
Дозволете им на децата да грешат и да учат од своите грешки. Грешките ги учат на отпорност, упорност и решавање проблеми, подготвувајќи ги за конструктивно соочување со неуспесите.
Изразување на сопствените мисли
Учете ги да ги изразуваат своите ставови на пристоен начин. Охрабрувањето на децата слободно да го искажуваат своето мислење ја подобрува нивната комуникација, самодоверба и асертивност (способност да се искажуваат сопствените мисли, чувства и ставови на јасен, директен и почитуван начин, без агресија или повлекување).
Извршување домашни обврски
Вклучувањето на децата во домашните работи ги учи на одговорност, соработка и самостојност. Малите задачи, како средувањето или поставувањето на масата, им помагаат рано да стекнат важни животни вештини.
Создавање нови пријателства
Дружењето им помага на децата да развијат социјални вештини, емпатија и емоционална интелигенција. Како родители, поттикнувајте ги да запознаваат различни луѓе, што им помага во прилагодувањето и ефективната комуникација.
Авантури на отворено
Дозволете им да се качуваат на дрвја, да трчаат боси или да ја истражуваат природата. Играњето на отворено го подобрува физичкото здравје, когнитивните способности и свеста за околината, а детството го прави порадосно.
Испробување различни јадења
Важно е да им дозволите на децата да се запознаат со различни кујни и вкусови. Тоа не само што придонесува за избалансирана исхрана, туку и поттикнува отвореност кон нови искуства и почитување на различни култури.
Самостојно решавање проблеми
Наместо секогаш да ги решавате проблемите наместо нив, дозволете им на децата сами да најдат решенија. Вештините за решавање проблеми ја зајакнуваат нивната самодоверба, независност и отпорност при соочување со реалните животни ситуации.
